بۇعان دەيىن ءوز رەزيدەنسياسىنىڭ اۋماعىندا اۆتومات اسىنىپ، سىرتتاعى ەلگى سەس كورسەتىپ جۇرگەن لۋكاشەنكو وزگەرىستەر تۋرالى ويلانا باستادى دەپ حابارلايدى Dalanews.kz.
پرەزيدەنت رەزيدەنسياسىنىڭ الدىنداعى ەرەۋىلدەتكەن ەلدىڭ قاراسى كۇن وتكەن سايىن كوبەيىپ، بيلىكتى كۇندىز كۇلكىدەن، ءتۇندى ۇيقىدان ايىرۋدا.
پرەزيدەنتكە قاراستى پۋل-پەرۆوگو تەلەگرام-ارناسىنىڭ حابارلاعانىنداي لۋكاشەنكو وزگەرىستەرگە قارسى ەمەس، ونى تەك وتكەنمەن بايلانىستىرعىسى جوق. قوعامدى العا سۇيرەيتىن وزگەرىستەردى عانا قۇپتايتىن كورىنەدى.
"كەيبىرەۋ ايتىپ جۇرگەندەي 1994 جىلعى كونستيتۋتسياعا ورالعاننان ۇتارىمىز شامالى. ءبىز وسى ءبىر الاساپىران كەزەڭدە ءومىر سۇردىك. سول كەزەڭنىڭ قيىن-قىستاۋىن باستان وتكەردىك، بويىمىزعا سىڭىردىك. الايدا ول كەز ءوتتى. كەلمەسكە كەتتى...
قانداي، نەندەي جاعدايىن بولعانىنا ءبارىڭىز كۋاسىزدەر. وتكەنگە ورالۋ - العا جىلجۋ ەمەس. وزگەرىس وتكەنگە ورالۋ دەگەندى بىلدىرمەيدى. كەرىسىنشە، كەرى ءجۇرۋ بۇل. وزگەرىستەر ءبىزدىڭ قوعامدى العا سۇيرەۋى كەرەك. ءبىزدىڭ ۇسىنامىز وسى. وسىنداي وزگەرىستەردىڭ ورىن الۋىن قۇپتايمىز. حالىققا ۇسىنارىمىز دا وسى..."، – دەيدى لۋكاشەنكو.
بەلارۋس پرەزيدەنتى ءوزىنىڭ ءباز-باياعى ادەتىنە باسىپ حالىققا قانداي وزگەرىستەر ۇسىنارىن اشىپ ايتپاعان ەكەن.
