Oral qalasynyń irgesindegi "Birinshi dacha" atalatyn saiajaidan úi salyp, osy kezge deiin alańsyz turǵan Aidos Jumaǵalievtiń otbasy qarǵyn sý kelgende baspanasyn tastap, evakýatsiialyq pýnktke kóshýge májbúr bolǵan.
Otbasy qiyn jaǵdaiǵa tap bolǵan kezde otanasy Raýshannyń ai-kúni jetip qalǵan edi. Ýaqytsha ornalasý pýnktine kelgen aiaǵy aýyr kelinshekti sol jerdegi dárigerler men turǵyndar baqylaýyna alǵan. Qansha jerden jaǵdai jasalsa da kútimdi qajet etetin Raýshannyń jaǵdaiy eshkimdi bei-jai qaldyrmady. Dárigerler erekshe kútip, Oral qalalyq kópbeiindi aýrýhanaǵa jetkizgen.
Ai kúni jetip, Raýshan Nazym esimdi qyz bosandy. Jumaǵalievter otbasynyń jaǵdaiyn estigen Batys Qazaqstan oblystyq máslihat depýtaty Azamat Bisenov Raýshanǵa habarlasyp, eki aiǵa páter jaldaǵanyn aitqan.
– Jaǵdaiymdy estigen depýtat habarlasyp: "Siz kútinýińiz kerek. Bala baqylaýda bolǵany jaqsy. Sondyqtan otbasyńyz úshin eki aiǵa páter jaldadym",-dedi. El ishinde neshe túrli áńgime júrip jatyr. Biraq elimiz evakýatsiialanǵan turǵyndarǵa barynsha jaǵdai jasap jatyr, –deidi Raýshan Tabynova.
Aidos pen Raýshannyń otbasynda osyǵan deiin Shyryn, Nurdos, Ińkár degen baldar bolsa, endi Nazym esimdi qyz keldi.
– Otbasymyzdyń jaǵdaiyn jasap, qoldaýyn bildirgen jandarǵa alǵysymyz sheksiz. Kóp uzamai úiimizge oralamyz degen oidamyn, – deidi Raýshan.
Gýmanitarlyq kómek jinaý bastalǵaly eshkim shet qalyp jatqan joq. Ásirese, máslihat depýttary belsendi. Osy kezge deiin oblystyq máslihat depýtattary 12 páterge múmkindigi shekteýli 1 top múgedekteri men kópbalaly júkti kelinshekterdi ýaqytsha páterge ornalastyrdy.
Jalpy, osy kezge deiin halyq qalaýlylary 7 millionnan astam teńgege kómek kórsetken.
