Reseidiń Ujymdyq qaýipsizdik jónindegi shart uiymyndaǵy odaqtastarynyń "dos emes eldermen" bailanysy Máskeýmen strategiialyq áriptestikke ziian tigizbeýi tiis, dep málimdedi Resei SIM Aqparat departamenti direktorynyń orynbasary Ivan Nechaev.
Bul týraly RBK habarlady.
"Reseige dos emes eldermen bailanystar bizdiń eldiń strategiialyq áriptestigine nuqsan keltirmeýi tiis ekenin eskersek, mundai jaǵdai UQShU men EAEO, TMD men ShYU sekildi birlestikterdegi kelisimderge qaishy keledi", — dep málimdedi Nechaev.
Ujymdyq qaýipsizdik jónindegi shart uiymyna Resei, Qazaqstan, Qyrǵyzstan, Armeniia, Belarýs, jáne Tájikstan kiredi.
Ýkraina aýmaǵyna basyp kirip, Batys elderiniń sanktsiialaryna ushyraǵan Resei "dos emes elderdi men aimaqtar" tizimin daiyndai bastady.
Oǵan AQSh pen Kanada, Eýroodaq elderi, Ulybritaniia (sonyń ishinde Djersi, Angilia, Britandyq Virginiia araldary, Gibraltar), Ýkraina, Chernogoriia, Shveitsariia, Albaniia, Andorra, Islandiia, Lihtenshtein, Monako, Norvegiia, San-Marino, Soltústik Makedoniia, sonyen birge Japoniia, Ońtústik Koreia, Avstraliia, Mikroneziia, Jańa Zelandiia, Singapýr jáne Taivan kiredi.
Shilde aiynda Resei bul tizimge Grekiia, Daniia, Slovakiia, Sloveniia jáne Horvatiiany qosty.
https://dalanews.kz/news/80417-qorganys-onerkasibin-qalay-zholga-qoia
https://dalanews.kz/aimak/80533-elordada-mektep-salynatyn-70-ten-asa-zher
