Qytai halyq respýblikasyna resmi sapary barysynda ákim Nariman Tóreǵaliev bastaǵan Batys Qazaqstan oblysynyń delegatsiiasy álemdegi iri kómir, jylý, elektr jáne jel energiiasyn óndirýshi CHN ENERGY memlekettik korporatsiiasynyń halyqaralyq bólimshesiniń basshylyǵymen kelissózder júrgizdi. Kezdesý nátijesinde birlesken jobalardy iske asyrý boiynsha úshjaqty Jol kartasyna qol qoiý rásimi ótti, - dep habarlaidy Dalanews.kz
Bul Qazaqstan Respýblikasynyń Prezidenti Qasym-Jomart Toqaevtyń óńirlerge tikelei investitsiialar tartý, energetikalyq qaýipsizdikti kúsheitý jáne jetekshi halyqaralyq seriktesterdiń qatysýymen joǵary tehnologiialyq infraqurylymdyq jobalardy júzege asyrý jónindegi strategiialyq tapsyrmasyn oryndaý boiynsha mańyzdy qadam boldy.
CHN Energy kómir óndirýden elektr energiiasyn óndirýge, himiialyq óńdeýge, kólik pen logistikaǵa deiin búkil ónerkásiptik tsikldi qamtidy. Toptyń keshendi qurylymy aýqymdy investitsiialyq jobalardy tolyq júzege asyrýǵa múmkindik beredi.
Kelissózder barysynda taraptar energetikalyq nysandardy, sonyń ishinde «jasyl» generatsiia elementteri bar jobalardy salý jáne jańa tehnologiialyq sheshimderdi Qazaqstanda beiimdeý máselelerin talqylady.
Qol qoiylǵan jol kartasy tehnikalyq konsýltatsiialar júrgizýdi, ońtaily jer telimin tańdaýdy, aldyn ala tehnikalyq-ekonomikalyq saraptamany jáne ortaq qarjylandyrý úlgilerin aiqyndaýdy kózdeidi.
Taraptar atalmysh jobanyń Qytai eli úshin Batys Qazaqstan oblysynda investitsiialyq jobalardy júzege asyrý múmkindigin keńeitetin pilottyq modelge ainalady degen senim bildirdi. Bul baǵytta turaqtylyqqa, qaýipsizdikke jáne jańa tehnologiialyq damýǵa basymdyq berilmek.
Oblys ákimi áriptestiktiń bul túri Memleket basshysy aiqyndaǵan energetika jáne investitsiialyq tartý salasyndaǵy memlekettik saiasattyń basymdyqtaryna tolyq sáikes keletinin atap ótip, óńir tarapynan jobany tolyq ákimshilik jáne uiymdastyrýshylyq qoldaýdy qamtamasyz etýge daiyn ekenin bildirdi.
Bul kezdesý Qazaqstan Respýblikasynyń Qytai halyq respýblikasyndaǵy Elshiliginiń qoldaýymen uiymdastyryldy.
