Batys Qazaqstan oblysynda Naýryz meiramy keńinen toilandy. 22 naýryz kúni Oral qalasynda merekelik is-shara ótti. Qala turǵyndary men qonaqtary kontserttik baǵdarlamany, teatrlandyrylǵan qoiylymdardy tamashalady.
Óńir turǵyndaryn Batys Qazaqstan oblysynyń ákimi Nariman Tóreǵaliev Naýryz meiramymen quttyqtady.
«Barsha jerlesterimdi Naýryz meiramymen shyn júrekten quttyqtaimyn! Áz Naýryz – ultymyzdyń bolmysyn, salt-dástúrin, ádet-ǵurpyn, tálim-tárbiesin, rýhaniiatyn aishyqtaityn meiram. Biyl Memleket basshysynyń bastamasymen on kún boiy jańa formatta toilanyp jatqan Naýryz meiramy kóptiń kóńilinen shyqty.
Aýyl jáne aýdan turǵyndary úshin jańa turǵyn úi baǵdarlamasy iske qosylady. Áleýmettik jaǵynan osal toptaǵy azamattar úshin nesie ósimi 7 paiyzdan aspaityn bolady. Jalǵa beriletin baspana sany birneshe ese kóbeiedi.
Biz turǵyndarǵa qajetti –áleýmettik, meditsinalyq nysandardy, jol salýdy, turǵyn úi qurylysyn júrgizýdi jáne taǵy da basqa mańyzdy jumystardy jalǵastyratyn bolamyz», - dep atap ótti Nariman Tóreǵaliev.
Tuńǵysh Prezident alańyna jinalǵan oblys turǵyndary kiiz úilerge kirip, án, kúi tyńdap, ulttyq taǵamdardan dám tatty.
Naýryz meiramy Batys Qazaqstan oblysynyń ár aýdanynda keńinen atalyp ótti.
