Batys Qazaqstan oblysynda respýblikalyq referendým kúni erekshe kórinistermen este qalýda. Han Ordasy aýylyndaǵy №60 sailaý ýchaskesinde tarihi kostiým kigen Jáńgir han beinesinde jergilikti turǵyn kelip, sailaýshylardyń nazaryn aýdardy, dep habarlaidy Dalanews.kz.
Tarihi keiipker daýys berý rásimine qatysyp, óz tańdaýyn jasady. Kórermender men ýchaskege kelgen turǵyndar úshin bul – el tarihyna qurmet kórsetý men azamattyq jaýapkershilikti nasihattaityn erekshe sát boldy.
– Qazirgi tez ózgerip jatqan álemde eń basty bailyq - paidaly qazbalar emes, adamdar. Sondyqtan Konstitýtsiiada adami kapitaldy, iaǵni bilimdi, ǵylymdy jáne adamdardyń damýyn qoldaýǵa basymdyq berilýi óte mańyzdy. Ǵylym damyǵan saiyn jańa tehnologiialar paida bolyp, jańa naryqtar ashylady, investitsiia keledi. Bul óz kezeginde halyqtyń turmys deńgeiin jaqsartýǵa múmkindik beredi. Búgin men tek tarihi tulǵa retinde ǵana emes, el bolashaǵyna bei-jai qarai almaityn azamat retinde de óz tańdaýymdy jasap otyrmyn. Eldiń bolashaǵy árqaisymyzdyń sheshimimizge bailanysty,– dedi Jáńgir han keipindegi rekonstrýktor.
Aita keteiik, referendým kúni oblystaǵy barlyq sailaý ýchaskelerinde 446 myńnan astam azamat óz tańdaýlaryn jasaý múmkindigine ie.
