"Zań jáne Tártip" qaǵidatyn ilgeriletý aiasynda Bórli aýdany ishki saiasat bóliminiń uiymdastyrýymen 10 naýryz kúni Aqsai qalasy Jarsýat saýda úiinde aýdan turǵyndaryna arnalǵan "Halyq zańgeri" naýqany uiymdastyryldy, - dep habarlaidy Dalanews.kz
Zańdy bilý quqyq qorǵaý organdary men zańgerlerdiń ǵana jumysy emes. Zań talaptaryn búkil halyq bilýi kerek. Sonda ǵana halyq óziniń zańdy quqyǵy men zańdy jaýapkershiligin túsinetin bolady.
Osy oraida memleket basshysy óziniń joldaýynda "Ádiletti Qazaqstan: zań men tártip, ekonomikalyq ósim, qoǵamdyq optimizm" atty joldaýynda zańnyń ústemdigin qamtamasyz etý qajettigin atap ótip, 2024-2028 jyldarǵa arnalǵan qoǵamdyq qaýipsizdikti qamtamasyz etý tujyrymdamasyn bekitken bolatyn.
"Zań jáne Tártip" qaǵidatyn ilgeriletý aiasynda Aqsai qalasy Jarsýat saýda úiinde aýdan turǵyndaryna arnalǵan "Halyq zańgeri" naýqany uiymdastyrylydy.
Keńes berýge aýdandyq prokýratýra, politsiia, jergilikti atqarýshy organ ókilderi jáne "Ashyq kómek" qoǵamdyq qorynyń zańgeri qatysty. Olar turǵyndardyń talap-tilegin tyńdap, mazalaǵan máselesine qatysty keńes berdi.
Tegin quqyqtyq keńes beretin "Halyq zańgeri" naýqanynda negizgi máselelerdiń biri - jer qatynastaryna qatysty jer kezegi, jer ýchaskesin zańdastyrý, turǵyn úi kezegi, áleýmettik, quqyqtary buzylǵan azamattardyń ózderiniń quqyqtaryn qorǵaý, eńbek zańnamasynyń saqtalýy boiynsha máseleni sheshý, internet alaiaqtyq jóninde aqparattar aitylyp, 40-tan astam turǵynǵa tegin quqyqtyq kómek kórsetildi.
Azamattary zańmen qorǵalǵan elde ómir súrip jatqandyqtan, árbir azamattyń zańdy quqyǵyn bilgeni abzal. Qazaqstan Respýblikasynyń árbir azamaty zańnyń qorǵaýynda.
