Búgin, 3 shildeden bastap, Batys Qazaqstan oblysy aýmaǵynda kiik sanyn retteý jumystary resmi túrde bastaldy. Bul jumystar 30 qarashaǵa deiin jalǵasady,- dep habarlaidy Dalanews.kz
Kiik popýliatsiiasyn retteý — tabiǵi tepe-teńdikti saqtaý, jaiylym jerlerge ziian keltirmeý jáne aýyl sharýashylyǵy alqaptaryn qorǵaý maqsatynda uiymdastyrylyp otyr.
Atalǵan jumystarǵa 40-qa jýyq maman tartylyp, 4 arnaiy brigada jasaqtaldy. Ár brigada 3 tehnikamen qamtamasyz etilgen, jalpy sany 12 tehnika jumyldyrylǵan.
2025 jyly júrgizilgen aviatsiialyq esep nátijesinde Batys Qazaqstan oblysy aýmaǵynda kiikterdiń jalpy sany 2,3 mln basqa jetkeni anyqtaldy. Ǵalymdar ázirlegen biologiialyq negizdemege sáikes, popýliatsiiaǵa zalal keltirmei, onyń tek 20 paiyzyna, iaǵni 460 myńǵa deiin ǵana retteý júrgizýge bolady. Iaǵni bul – ǵylymi-zertteýler men tabiǵi tepe-teńdikti saqtaý talaptaryna negizdelgen shekteý.
«Aýlanǵan kiik eti arnaiy belgilengen et óńdeý kásiporyndaryna jetkiziledi. Atap aitqanda, bul ónimderdi «Kýblei» JShS, «Jeńis» JK, «Batys-Nyq» JShS jáne «Hairov» JK qabyldaidy. Bolashaqta taǵy basqa et kombinattarynyń da bul iske atsalysýy josparlanyp otyr», - dedi BQO orman sharýashylyǵy jáne janýarlar dúniesi aýmaqtyq inspektsiiasynyń basshysy Nurlan Rahymjanov.
Mamandardyń aitýynsha, kiik popýliatsiiasynyń baqylaýsyz kóbeiýi aýyl sharýashylyǵy jerlerine eleýli ziian keltirip, ekojúiede teńgerimsizdikke ákelýi múmkin. Sondyqtan kiik sanyn retteý jumystary Qazaqstan Respýblikasy Úkimetiniń tiisti Qaýlysyna sáikes, barlyq zańnamalyq jáne ekologiialyq normalarǵa sai júzege asyrylýda.
