Bul týraly Almaty oblysynyń ákimi Amandyq Batalov Nur-Sultanda ótken brıfıń barysynda aıtty, - dep habarlaıdy Dalanews.kz Almaty oblysy ákiminiń baspasóz qyzmetine siltep.
Jetisý óńirinde balalardy mektepke tasymaldaıtyn kólikterdi jańartýǵa bir mlrd. teńge bólinip, jańa ári jaıly 70 avtobýs satyp alynǵan.
Mektep janyndaǵy ájethanalardyń máselesi tolyq sheshilip, 348 nysan jalpy somasy 1,3 mlrd. teńgege jóndeýden ótti.
Spıker sondaı-aq Elbasynyń Bes áleýmettik bastamasyn júzege asyrý maqsatynda Taldyqorǵanda İ.Jansúgirov atyndaǵy Jetisý ýnıversıtetiniń stýdentteri úshin 280 jáne Qaratal aýdanynda kolejge arnalǵan 50 oryndyq jańa jataqhanalar salynǵanyn, jyl sońyna deıin Taldyqorǵanda taǵy 480 orynǵa laıyqtalǵan eki jataqhana paıdalanýǵa beriletinin atap ótti.
Sol sıaqty bilim berý salasynda oqýshylar men kolej stýdentterin qashyqtan oqytý úshin barlyq jaǵdaı jasalǵanyn aıtty.