«Mass-media» týraly zań - qoǵam damýynyń jaýapty kezeńinde talqylanyp jatyr. Biz dástúrli media men áleýmettik jeliler jáne basqa da alýan túrli medianyń damyp jatqan kezinde jaqsylap, zerttep zerdelep alǵanymyz durys. Bizde jas jýrnalis boldyq, sol kezde baspasóz kartasynyń bar ekenin, onyń kásibi quqyq beretinin jii talqylaitynbyz, - dedi ol.
Muhamedjanovanyń aitýynsha, baspasóz kartasyn engizbes buryn sheteldik tájiribege súiený kerek.
Bul múmkindikti endi Aqparat ministrligi berip otyrǵanda biz baspasóz kartasyn engizý kedergi bolady oilaimyz. Sol sebepti ministrlik pen qaýymdastyq birge durys saraptama jasai bilgeni jón.
Qazirgi tańda ministrlikke batys pen eýropalyq tájiribeni jan-jaqty zertteý qajet. Biz tek sodan keiin baspasóz kartasyn engizip, kásibi ári qajetti qujat jasai alamyz, - dedi Nurjan Jalaýqyzy.
Buǵan deiin Ulttyq media qaýymdastyǵynyń tóraǵasy Kemelbek Oishybaev baspasóz kartasyn engizýdiń qandai artyqshylyǵy bar ekenin aitqan bolatyn.
Baspasóz kartasyna qatysty ártúrli túsindirmeler bar. Baspasóz kartasy - jýrnalisterdiń múddelerin qorǵaýǵa arnalǵan. Árine, press-kartany alýdyń qajeti joq, biraq kim press-kartaǵa ie bolsa, onyń erekshe mártebesi bolmaq. Bul birqatar múmkindikke jol ashady, onyń ishinde eldegi uiymdar, ásirese, memlekettik uiymdar qoljetimdi bolady. Bylaisha aitqanda, jýrnalister úshin belgili bir paidasy bar. Bul kartany búkil jýrnalister mindetti túrde alýdyń qajeti joq. Baspasóz kartasyn almaq-aq qyzmetin ózgelermen birge jalǵastyra alady. Alaida, baspasóz kartasyn alý arqyly belgili bir múmkindikterge ie bolady, - dedi qaýymdastyq tóraǵasy.
