Prezidentimiz Joldaýynda Qazaqstan halqynyń zaman talabyna sai damýynyń jańa múmkindikterin aityp qana qoimai, naqty baǵyttalǵan mańyzdy mindetterdi atap kórsetti.
Joldaýdyń bir ereksheligi – munda bilim salasynyń naqty mindetterimen qatar pedagog mártebesin kóterý týraly tapsyrmalar júktelgen.
Pedagogtardyń mártebesin kóterý jáne biliktilikti arttyrý rasymen, elimizdiń túkpir-túkpirindegi ustazdarǵa qoljetimdi ári paidaly dúnie bolary anyq. Bilim jáne ǵylym salasyndaǵy oqý baǵdarlamalarynyń jańartylýy, álemniń úzdik joǵary oqý oryndarymen ozyq bilim men úzdik tájiribe almastyrý, oqytýshylardyń kásibi deńgeii men biliktiligin arttyrý básekege qabiletti jas mamandardy daiaraýda úlesi zor ekeni sózsiz.
Sondai-aq, Qazaqstan Respýblikasynda bilim berýdiń barlyq deńgeilerinde básekege qabilettilikti arttyrý úshin úsh tilde bilim berýdi kezeń-kezeńmen engizýdi qamtamasyz etý jáne adami kapitaldy damytý maqsatynda úsh tilde bilim berýdi damytýdyń 2015-2020 jyldarǵa arnalǵan jol kartasy usynylyp, Qazaqstan jas ári damýshy memleket retinde 30 básekege qabiletti álem elderiniń qataryna kirý úshin qazaqstandyqtardyń úsh tildi bilýleri kerektigi týraly talap qoiyldy.
Úsh tildilikti qolǵa alý úrdisi joǵary oqý oryndarynda júrip te jatyr. Oqý oryndarynda bolashaq mamandardyń básekege qabiletti bolý úshin qazaq, orys jáne aǵylshyn tilinde sabaq berilýde.
Bilim salasyndaǵy úshtildilikti damytý baǵyttary elimizdiń áleýmettik-ekonomikalyq damýynyń ózekti máseleleriniń sheshimi jáne qazaqstandyqtardyń ál-aýqatyn odan ári arttyrý mindetteriniń oryndalýy dep oilaimyn.
Álemdik ǵalamdandyrý tili bolyp tanylǵan aǵylshyn tilin bilý - aǵylshyn tildi eldermen tiimdi bailanysqa túsken álemdik deńgeide óz ornyn ala bastaǵan Qazaqstan úshin qajetti dep bilemin. Elbasy «Qazaqstan - 2050» strategiiasy - qalyptasqan memlekettiń jańa saiasi baǵyty» atty Qazaqstan halqyna Joldaýynda «Biz aǵylshyn tilin igerýde serpilis jasaýymyz kerek» - degen.
Demek, aǵylshyn tilin bilmei, zaman talabyna laiyqty, básekege qabiletti tulǵa qalyptastyrýǵa tolyq qol jetkize almaimyz. Irgeles memleketterden anaǵurlym ilgeri turǵan Qazaqstan qazirgi jetistikterimen shektelip qalmaý úshin de kóptildilikke umtylýda.
Óitkeni, elimizdiń biliktiligi men saýattylyq deńgeiin álemge tanytyp, alpaýyt memlekettermen terezemizdi teńestirý múmkindigine jeteleitin qadamdardyń mańyzdysy - kóptildilik. Osy ustanymmen biz – el bolashaǵy maman iesi bolýmen qatar til meńgerýge umtylýymyz kerek. Bul memleket tarapynan jastarǵa degen qoldaý bolǵandyqtar, bar múmkindikterdi igi isterge qoldanýymyz kerek.
Ásel Asqarbekqyzy
Abylai han atyndaǵy
Qazaq halyqaralyq qatynastar jáne álem tilderi ýniversitetiniń
Jýrnalistika mamandyǵynyń 2 kýrs stýdenti
