پرەزيدەنتىمىز جولداۋىندا قازاقستان حالقىنىڭ زامان تالابىنا ساي دامۋىنىڭ جاڭا مۇمكىندىكتەرىن ايتىپ قانا قويماي، ناقتى باعىتتالعان ماڭىزدى مىندەتتەردى اتاپ كورسەتتى.
جولداۋدىڭ ءبىر ەرەكشەلىگى – مۇندا ءبىلىم سالاسىنىڭ ناقتى مىندەتتەرىمەن قاتار پەداگوگ مارتەبەسىن كوتەرۋ تۋرالى تاپسىرمالار جۇكتەلگەن.
پەداگوگتاردىڭ مارتەبەسىن كوتەرۋ جانە بىلىكتىلىكتى ارتتىرۋ راسىمەن، ەلىمىزدىڭ تۇكپىر-تۇكپىرىندەگى ۇستازدارعا قولجەتىمدى ءارى پايدالى دۇنيە بولارى انىق. ءبىلىم جانە عىلىم سالاسىنداعى وقۋ باعدارلامالارىنىڭ جاڭارتىلۋى، الەمنىڭ ۇزدىك جوعارى وقۋ ورىندارىمەن وزىق ءبىلىم مەن ۇزدىك تاجىريبە الماستىرۋ، وقىتۋشىلاردىڭ كاسىبي دەڭگەيى مەن بىلىكتىلىگىن ارتتىرۋ باسەكەگە قابىلەتتى جاس مامانداردى داياراۋدا ۇلەسى زور ەكەنى ءسوزسىز.
سونداي-اق، قازاقستان رەسپۋبليكاسىندا ءبىلىم بەرۋدىڭ بارلىق دەڭگەيلەرىندە باسەكەگە قابىلەتتىلىكتى ارتتىرۋ ءۇشىن ءۇش تىلدە ءبىلىم بەرۋدى كەزەڭ-كەزەڭمەن ەنگىزۋدى قامتاماسىز ەتۋ جانە ادامي كاپيتالدى دامىتۋ ماقساتىندا ءۇش تىلدە ءبىلىم بەرۋدى دامىتۋدىڭ 2015-2020 جىلدارعا ارنالعان جول كارتاسى ۇسىنىلىپ، قازاقستان جاس ءارى دامۋشى مەملەكەت رەتىندە 30 باسەكەگە قابىلەتتى الەم ەلدەرىنىڭ قاتارىنا كىرۋ ءۇشىن قازاقستاندىقتاردىڭ ءۇش ءتىلدى بىلۋلەرى كەرەكتىگى تۋرالى تالاپ قويىلدى.
ءۇش تىلدىلىكتى قولعا الۋ ءۇردىسى جوعارى وقۋ ورىندارىندا ءجۇرىپ تە جاتىر. وقۋ ورىندارىندا بولاشاق مامانداردىڭ باسەكەگە قابىلەتتى بولۋ ءۇشىن قازاق، ورىس جانە اعىلشىن تىلىندە ساباق بەرىلۋدە.
ءبىلىم سالاسىنداعى ۇشتىلدىلىكتى دامىتۋ باعىتتارى ەلىمىزدىڭ الەۋمەتتىك-ەكونوميكالىق دامۋىنىڭ وزەكتى ماسەلەلەرىنىڭ شەشىمى جانە قازاقستاندىقتاردىڭ ءال-اۋقاتىن ودان ءارى ارتتىرۋ مىندەتتەرىنىڭ ورىندالۋى دەپ ويلايمىن.
الەمدىك عالامداندىرۋ ءتىلى بولىپ تانىلعان اعىلشىن ءتىلىن ءبىلۋ - اعىلشىن ءتىلدى ەلدەرمەن ءتيىمدى بايلانىسقا تۇسكەن الەمدىك دەڭگەيدە ءوز ورنىن الا باستاعان قازاقستان ءۇشىن قاجەتتى دەپ بىلەمىن. ەلباسى «قازاقستان - 2050» ستراتەگياسى - قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا «ءبىز اعىلشىن ءتىلىن يگەرۋدە سەرپىلىس جاساۋىمىز كەرەك» - دەگەن.
دەمەك، اعىلشىن ءتىلىن بىلمەي، زامان تالابىنا لايىقتى، باسەكەگە قابىلەتتى تۇلعا قالىپتاستىرۋعا تولىق قول جەتكىزە المايمىز. ىرگەلەس مەملەكەتتەردەن اناعۇرلىم ىلگەرى تۇرعان قازاقستان قازىرگى جەتىستىكتەرىمەن شەكتەلىپ قالماۋ ءۇشىن دە كوپتىلدىلىككە ۇمتىلۋدا.
ويتكەنى، ەلىمىزدىڭ بىلىكتىلىگى مەن ساۋاتتىلىق دەڭگەيىن الەمگە تانىتىپ، الپاۋىت مەملەكەتتەرمەن تەرەزەمىزدى تەڭەستىرۋ مۇمكىندىگىنە جەتەلەيتىن قادامداردىڭ ماڭىزدىسى - كوپتىلدىلىك. وسى ۇستانىممەن ءبىز – ەل بولاشاعى مامان يەسى بولۋمەن قاتار ءتىل مەڭگەرۋگە ۇمتىلۋىمىز كەرەك. بۇل مەملەكەت تاراپىنان جاستارعا دەگەن قولداۋ بولعاندىقتار، بار مۇمكىندىكتەردى يگى ىستەرگە قولدانۋىمىز كەرەك.
اسەل اسقاربەك قىزى
ابىلاي حان اتىنداعى
قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ
جۋرناليستيكا ماماندىعىنىڭ 2 كۋرس ستۋدەنتءى
