- Ókinishke qarai, jaǵdai solai. Qazir otbasylyq merekeler, kóp adamnyń jinalýymen bailanysty kez-kelgen sharalarǵa tyiym salynǵan, - dedi Aijan Esmaǵambetova onlain-brifing kezinde.
Onyń sózinshe, ázirge otyratyn oryndar sany 50-den aspaityn kafe men restorandar jumysyna ǵana ruqsat, biraq bul da ujymdyq sharalar ótkizýge ruqsat degendi bildirmeidi.
- Qazirgi epidemiialyq jaǵdai ondai kez-kelgen sharaǵa ruqsat berýimizge múmkindik bermeidi. Sporttyq, mádeni-buqaralyq, otbasylyq nemese rásimdik sharalar bolsyn, bir jerde kóp adamnyń uzaq bolýyna tyiym bar. Bizdiń jeńildetý sharalarymyz epidemiialyq jaǵdaiǵa bailanysty ár óńirde jeke engiziledi. Bári óz qolymyzda, - dep qosty bas sanitarlyq dáriger.
