– Kelýshiler men qyzmetkerlerge mindetti túrde termometrıa júrgizý, jeke qorǵanys quraldaryn paıdalaný, áleýmettik qashyqtyqty saqtaý, kúsheıtilgen sanıtarlyq-dezınfeksıalyq rejım qyzmetin qaıta bastaıtyn barlyq nysandar úshin basty talap bolyp qala beredi, – dep naqtylady respýblıkanyń bas dárigeri.
Onyń aıtýynsha, saýda-oıyn-saýyq ortalyqtarynyń, saýda úıleriniń, saýda jelileriniń, jabyq bazarlardyń qyzmeti qaıta jandanýda.
Bul rette, atalǵan obektilerge 1 adamǵa 4 sharshy metrden kem emes úı-jaılardyń aýdany esebinen kelýshiler sanyn shekteý jáne 30%-dan aspaıtyn tolymdylyǵyn (bazarlarǵa, 500 sharshy metrden astam saýda úılerine, bıznes-ortalyqtarǵa, SOO-ǵa qatysty) shekteý boıynsha talaptar qoıylady.
Budan basqa, sulýlyq salondary, shashtarazdar, kosmetologıalyq qyzmet kórsetetin basqa da nysandar iske qosylady. Belgili bir jaǵdaılarda balalar túzetý kabınetteri, bilim berý ortalyqtary, mektepke deıingi balalar mekemeleriniń kezekshi toptary, baseınderi joq fıtnes-ortalyqtar ashylady.
«Burynǵydaı, memlekettik organdar men uıymdardyń, ulttyq kompanıalardyń, keńseler men basqa da mekemelerdiń 80% qyzmetkerleri úshin qashyqtan jumys isteý formaty saqtalýda»,-dedi A.Esmaǵambetova.
