Tilshiler Berik Asylovtan "Tergeý nátıjesinde Másimov basty uıymdastyrýshy boldy ma?" dep surady. Bas prokýror: "Solaı dep aıtýǵa bolady...", - dep qysqa qaıyrdy.
Onyń atap ótkenindeı, eks-prezıdent Nazarbaevtyń nemere inisi Samat Ábishten tek kýáger retinde jaýap alynǵan, ózge eshbir shara qoldanylmaǵan.
"Ábishev? Ol jaı kýáger retinde jaýap berdi", - dedi bas prokýror.
Buǵan deıin Bas prokýratýra qańtardaǵy dúrbeleń kezinde Kárim Másimovtiń nusqaýymen UQK qyzmetkerleri óz ǵımarattaryn qaraýsyz qaldyrǵanyn aıtqan bolatyn. Ol týraly myna jerden oqı alasyz → Dalainside
"Qańtardaǵy tártipsizdik kezinde UQK qyzmetkerleri Másimovtyń buıryǵymen ǵımarattaryn qaraýsyz qaldyrǵan.
Onyń tapsyrmasy boıynsha Almaty qalasy men Qyzylorda oblysy boıynsha UQK ǵımarattaryn tastap shyqqan.
Sondaı-aq, basshylyqtyń pármenimen Almaty jáne Jambyl oblystarynyń ishki ister departamentteriniń ǵımarattary qaraýsyz qaldyrylǵan", – degen edi ol.
[video width="960" height="1280" mp4="https://dalanews.kz/wp-content/uploads/2023/01/video_2023-01-05_15-01-54.mp4"][/video]
"Qańtar oqıǵasy búkil halyq úshin qasiret boldy. Bunyń barlyǵy aldyn ala josparlanǵany da belgili. Uıymdastyrýshylar, onyń ishinde uıymdasqan qylmystyq toptar, ekstremıster, sonyń ishinde terorıstik uıymdar uzaq ýaqyt boıy daıyndalǵan. Terorıstik áreketter boıynsha eki qylmystyq isti sotqa jiberdik", – dedi Bas prokýror.
Budan bólek Berik Asylov Qańtarda kóz jumǵandardyń 41-i buryn sottalǵandar ekenin aıtqan. Asylov qaza tapqan 67 adamnyń "shabýylshy" degen kúdikke ilingenin atap ótken.
"142 adam tótenshe jaǵdaı men antıterrorıstik rejımdi buzýshylar. 4 adam basqa da qylmysty jasaý kezinde ólgen. Almaty qalasynda 151 adam óldi. Olardyń kópshiligi prezıdent rezıdensıasyna shabýyl kezinde kóz jumdy", – dep qosty bas prokýror.
https://dalanews.kz/qogam/84152-ayes-qurylysynyng-yekonomikalyq-tiimdi
