تىلشىلەر بەرىك اسىلوۆتان "تەرگەۋ ناتيجەسىندە ءماسىموۆ باستى ۇيىمداستىرۋشى بولدى ما؟" دەپ سۇرادى. باس پروكۋرور: "سولاي دەپ ايتۋعا بولادى..."، - دەپ قىسقا قايىردى.
ونىڭ اتاپ وتكەنىندەي، ەكس-پرەزيدەنت نازاربايەۆتىڭ نەمەرە ءىنىسى سامات ابىشتەن تەك كۋاگەر رەتىندە جاۋاپ الىنعان، وزگە ەشبىر شارا قولدانىلماعان.
"ابىشيەۆ؟ ول جاي كۋاگەر رەتىندە جاۋاپ بەردى"، - دەدى باس پروكۋرور.
بۇعان دەيىن باس پروكۋراتۋرا قاڭتارداعى دۇربەلەڭ كەزىندە كارىم ءماسىموۆتىڭ نۇسقاۋىمەن ۇقك قىزمەتكەرلەرى ءوز عيماراتتارىن قاراۋسىز قالدىرعانىن ايتقان بولاتىن. ول تۋرالى مىنا جەردەن وقي الاسىز → Dalainside
"قاڭتارداعى تارتىپسىزدىك كەزىندە ۇقك قىزمەتكەرلەرى ءماسىموۆتىڭ بۇيرىعىمەن عيماراتتارىن قاراۋسىز قالدىرعان.
ونىڭ تاپسىرماسى بويىنشا الماتى قالاسى مەن قىزىلوردا وبلىسى بويىنشا ۇقك عيماراتتارىن تاستاپ شىققان.
سونداي-اق، باسشىلىقتىڭ پارمەنىمەن الماتى جانە جامبىل وبلىستارىنىڭ ىشكى ىستەر دەپارتامەنتتەرىنىڭ عيماراتتارى قاراۋسىز قالدىرىلعان"، – دەگەن ەدى ول.
[video width="960" height="1280" mp4="https://dalanews.kz/wp-content/uploads/2023/01/video_2023-01-05_15-01-54.mp4"][/video]
"قاڭتار وقيعاسى بۇكىل حالىق ءۇشىن قاسىرەت بولدى. بۇنىڭ بارلىعى الدىن الا جوسپارلانعانى دا بەلگىلى. ۇيىمداستىرۋشىلار، ونىڭ ىشىندە ۇيىمداسقان قىلمىستىق توپتار، ەكسترەميستەر، سونىڭ ىشىندە تەرروريستىك ۇيىمدار ۇزاق ۋاقىت بويى دايىندالعان. تەرروريستىك ارەكەتتەر بويىنشا ەكى قىلمىستىق ءىستى سوتقا جىبەردىك"، – دەدى باس پروكۋرور.
بۇدان بولەك بەرىك اسىلوۆ قاڭتاردا كوز جۇمعانداردىڭ 41ء-ى بۇرىن سوتتالعاندار ەكەنىن ايتقان. اسىلوۆ قازا تاپقان 67 ادامنىڭ "شابۋىلشى" دەگەن كۇدىككە ىلىنگەنىن اتاپ وتكەن.
"142 ادام توتەنشە جاعداي مەن انتيتەرروريستىك رەجيمدى بۇزۋشىلار. 4 ادام باسقا دا قىلمىستى جاساۋ كەزىندە ولگەن. الماتى قالاسىندا 151 ادام ءولدى. ولاردىڭ كوپشىلىگى پرەزيدەنت رەزيدەنسياسىنا شابۋىل كەزىندە كوز جۇمدى"، – دەپ قوستى باس پروكۋرور.
https://dalanews.kz/qogam/84152-ayes-qurylysynyng-yekonomikalyq-tiimdi
