Bas prokýror: «Monopolister halyqtyń esebinen baiyǵan»
«Kóptegen qarjylyq zań buzýshylyq anyqtaldy, monopolister shyǵyndaryn qasaqana kóterip, 29 milliard teńgege (80 mln dollar) kúmándi mámile jasaǵan», – dedi bas prokýror.
Onyń sózinshe, «antimonopoliialyq mekemeniń únsiz kelisimimen qyzmetkerlerge syiaqy, bonýs, sonymen birge nesielerge ústemaqy qosylǵan».
Bas prokýratýranyń boljamy boiynsha, shyǵyndy qoldan kóbeitý úshin, arnaiy jóndeý jumystaryn júrgizetin kásiporyn qurylyp, qural-jabdyqtar satyp alyndy dep baǵany kótergen. Zańsyz túsken tabystar jeke kompaniialar arqyly jeke qaltaǵa túsip otyrǵan.
Qojamjarovtyń málimdeýinshe, monopolister baqylaýdyń álsizdiginen, halyqtyń esebinen baiyp kelgen.
«Másele eki ministrlik – energetika jáne ulttyq ekonomika arasyndaǵy kómeskilikten. Tarifti bólek-bólek qoiady eken, eki mekemeniń arasynda kelisim joq», – dep túsindirdi bas prokýror.
