Bas prokýrordyń orynbasary Áset Shyndaliev eks-ministr Rýslan Jaqsylyqovtyń "ustalýyna" qatysty pikir bildirdi, dep habarlaidy Dalanews.kz.
"Keshe Jaqsylyqovtyń ózi pikir bildirdi emes pe? Bizde qandai da bir is nemese basqa da sharalar júrgizilgeni týraly eshqandai málimet joq. Ondai málimetter qolymda joq", - dedi ol.
Kúni keshe Qorǵanys ministrligin basqarǵan Rýslan Jaqsylyqov ustaldy degen aqparatty joqqa shyǵardy jáne jalǵan habar taratqandardy sotqa bermek.
Buǵan deiin birqatar BAQ-ta eks-ministr Rýslan Jaqsylyqov qamaýǵa alynǵany týraly aqparat taraǵan bolatyn.
Eń áýeli Ulysmedia jáne Elmedia portaldary óz derekkózderine súienip, Rýslan Jaqsylyqov qamaýǵa alynǵanyn habarlady.
Alaida resmi organdar bul aqparatty resmi rastamady.
Keiin Jaqsylyqovtyń qamaýda emes, óz úiinde otyrǵany anyqtaldy.
Tengrinews.kz tilshisimen telefon arqyly sóilesken ol qazir Astanadaǵy úiinde ekenin jáne otbasy múshelerimen birge túski as ishýge daiyndalyp jatqanyn aitty.
"Bul shyndyqqa janaspaidy", – dep atap ótti Jaqsylyqov.
Sonymen qatar, ol jalǵan aqparat taratqandardy sotqa beretinin jetkizdi.
