Naýryzbai qajy Resei dinbasynyń úsh tezisi qisynsyz dep, oǵan naqty, bultartpas jaýap bergen.
Naýryzbai qajy Taǵanuly, bas múfti:
– Pravoslav hristiandarynyń Rojdestvo merekesi qarsańynda, naqty aitqanda 7 qańtar kúni Máskeý jáne búkil Resei patriarhy Kirill elimizde bolǵan tártipsizdikke qatysty oi-pikirin bildirdi.
Osydan keiin elimizdegi musylman qaýymy reseilik din qairatkeriniń sózine bailanysty túsinikteme berýimdi surady.
Eń aldymen, Memleket basshylaryna, din jáne qoǵam qairatkerlerine osy qiyn-qystaý kúnderde Qazaqstan halqyna qoldaý bildirgenderi úshin shynaiy alǵysymdy bildirgim keledi. Bizdiń elimiz jańa qiyndyqtarǵa tap boldy, biraq Prezidentimizdiń danalyǵynyń arqasynda biz osy kúrdeli oqiǵalardan aman-esen óttik.
Sonymen qatar, Máskeý jáne búkil Rýstiń asa qurmetti Patriarhy Kirilldiń úsh qisynsyz tezisine erekshe nazar aýdarǵym keledi.
Birinshiden, bolǵan oqiǵalar azamattyq qaqtyǵysqa alyp kelgen joq. Bul birqatar óńirlerde ótken beibit mitingiler boldy, keiinnen olardy UQShU-ǵa múshe memleketter resmi túrde moiyndaǵan ishki jáne syrtqy destrýktivti kúshter paidalandy.
Ekinshiden, Qazaqstan tutastai alǵanda eshqashan tarihi Rýstiń aýmaǵyna kirgen emes. Tarihi faktilerdi, onyń ishinde Islamnyń qazaq dalasynda taralýy 751 jyly bastalǵanyn esterińizge salǵym keledi.
960 jyly Islam Qarahanidter kezinde qazirgi Qazaqstan aýmaǵynda memlekettik din retinde tanyldy, al Rýstiń shoqynýy osy oqiǵadan 28 jyl ótken soń 988 jyly ótti. Jalpyǵa birdei tanylǵan tarihi faktiler qazirgi Resei aýmaǵynda Islam odan da erterek 922 jyly, iaǵni Almýsh Han Islamdy Edil Bolgariiasynyń memlekettik dini dep jariialaǵan kezde paida bolǵanyn kórsetedi, bul qazirgi Tatarstannyń aýmaǵy.
Úshinshiden, geografiialyq dálelderge súiene otyryp, janashyrlyq tanytý múldem qisyndy emes. Álemniń barlyq dinderi árqashan adamdardy násiline, tiline, mádenieti men geografiiasyna qaramastan baǵalaýǵa shaqyrady.
Jalpy, osyndai dárejedegi dini qairatkerdiń ustanymy boiynsha halyqtar arasyndaǵy qarym-qatynastarda alaýyzdyq týdyratyn, tek Qazaqstanda ǵana emes, sondai-aq Reseide de dinge senýshilerdiń sezimin qozǵaityn sózder aitylmaýy tiis dep paiymdaimyn.
Negizinen bir kúndik saiasatkerge uqsamaýymyz kerek. Osyndai kezderde bárimizge tózimdilikti, uqyptylyqty, ádeptilikti saqtap, bir-birimizge qurmetpen qaraý qajet.
Kez kelgen din, onyń ishinde Islam jáne Pravoslavie árqashan saiasattan tys boldy jáne beibitshilikke, kelisimge jáne tózimdilikke shaqyrdy.
Alla Taǵala elimiz ben jerimizdi túrli búlikten, qaýip-qaterden saqtasyn. Eldiń sheti jaýdan, ishi daýdan aman bolǵai. Ámin.
