Qaratóbede Ǵ.Qurmanǵaliev atyndaǵy Qaratóbe aýdandyq mádeni-demalys ortalyǵynyń 40 jyldyǵy aiasynda jáne QR Halyq ártisi, Memlekettik syilyqtyń laýreaty, ánshi-kompozitor E.Hasanǵalievti eske alýǵa arnalǵan vokaldy aspaptar ansamblderi arasynda «Sazdy áýen men syrly ún» atty oblystyq baiqaýy ótti.
Óner baiqaýynyń ashylý saltanatynda Qaratóbe aýdanynyń ákimi Qadyrjan Súieýǵaliev pen BQO mádeniet, tilderdi damytý jáne arhiv isi basqarmasy basshysynyń orynbasary Medhat Qambetov quttyqtaý sóz sóilep, baiqaýǵa qatysýshy ónerpazdarǵa sáttilik tiledi.
Oblystyq baiqaýda segiz aýdannyń vokaldy aspapty ansamblderi ózara baq synady.
Ansamblder arasyndaǵy baiqaýdyń qorytyndysynda Bas júldeni Bórli aýdanynan kelgen «Fortýna» VAA jeńip aldy.
Sheber oryndaý mánerimen kózge túsken shyńǵyrlaýlyq «Arai» VAA baiqaýdyń I orynyn iemdense, II oryndy Tasqala aýdanynan kelgen «Tasqala» VAA, III oryndy Báiterek aýdanynan kelgen «Ǵasyr band» VAA ielendi. Al Eskendir Hasanǵalievtiń arnaiy júldesimen terektilik «Terekti» VAA marapattaldy.
Óner dodasynda «Úzdik ánshi» atalymymen tasqalalyq Timýr Tapalov, «Úzdik solo gitara» atalymymen terektilik Rýstam Bekbolatov, «Úzdik daýylpaz» atalymymen aqjaiyqtyq Rýslan Jumabaiuly, «Úzdik bas gitara» atalymymen báiterek aýdanynan kelgen Málik Mýsakýlov, «Úzdik ritm gitara» atalymymen Altai Qojaev, «Úzdik kúisandyq» atalymymen Ermek Jardemovtar marapattaldy.
