Qazirgi tańda elimizdiń damýyna birden-bir áser etýshi faktor – ol stýdent  jastardyń bilim deńgeıi. Qazaqstan táýelsizdigin alǵaly, otandyq JOO-dyń sany da sapasy da kún óte kele artyp barady, árıne bul qýantarlyq jaıt. Qazaqstan halqyna « Nurly jol – Pýt v býdýshee» joldaýynda elbasymyz N.Á.Nazarbaev jastardyń sanaly bolyp, patrıotty tulǵa retinde qalyptasyp, eliniń bolashaǵynyń damýyna úles qosatyn jastar týraly erekshe atap ótken bolatyn. Eger ár eldiń, táýelsiz eldiń, jastary sanaly, mádenıetti, júrekteri «Elim!», «Jerim!» dep soǵatyn, ulttyq dástúrlerdi qoldaıtyn ári qorǵaıtyn bolsa, ondaı el qashan da baqytty, eńseli bolmaq. Óz basym óz Otanymnyń jastaryna, ıaǵnı zamandastaryma senemin, el bolashaǵyn jarqyn qylý jolynda esh aıanyp qalmaspyz dep  te tolyq senimmen aıta alamyn.

Ál-Farabı atyndaǵy Qazaq Ulttyq Ýnıversıtetinde 2 jyl bilim ala otyryp, talaı dúnıeni uǵynyp jatqanyma dán rızamyn. Otandyq bilimniń «qara shańyraǵy» bolyp sanalatyn bul orda elimizge, saıasatymyzǵa, ınovasıalyq damý jolynda talaı myqty ári qaıtalanbas kadrlardy daıarlaıdy. Tipti, ótkenge kóz júgirtetin bolsaq, Oljaı Súleımenov, Ábish Kekilbaı, Zeınolla Qabdolov, Ázilhan Nurshaıyqov, Dýlat Isabekov, Qadyr Myrza Áli, Tumanbaı Moldaǵalıev, Myrzataı Joldasbekov, Muhtar Maǵaýın syńdy elimizdiń talaı bedeldi qaıratkerleri dál osy «uıanyń» túlekteri, árqaısysy el tarıhynda oıyp turyp, altyn árippen esimderin jazary sózsiz. Osyndaı atalarym, el syılaǵan, halyq moıyndaǵan azamattar bilim alǵan ordada oqý men úshin, shyny kerek, úlken mártebe, baqyt! Sol sebepti bolar, bilmeımin, biraq keleshekte men de elime paıdaly, úles qosarlyq azamatsha bolýdy shyn kóńilimmen qalaımyn. Memleket jastarǵa sapaly bilim berýde esh aıanbaıdy, barlyq derlik jaǵdaı jasalǵan, endigi kezekte bizder, stýdent-jastar, barlyq artylyp otyrǵan úmit-senimdi aqtaý kerekpiz, solaı emes pe?!

Baqýatty stýdent degen kimder? Ol - árıne bizder: otansúıgish, patrıot, jalyndy da jigerli, Maǵjan Jumabaev aıtqandaı: «arystandaı aıbatty, jolbarystaı qaıratty jastar», sanaly, salıqaly, rýhty azamat pen azamatshalar. Elbasymyzdyń tiregi de biz – Qazaqstannyń jarqyn bolashaǵy

Qytaıtaný kafedrasy

«Shyǵystaný» mamandyǵynyń

4-kýrs stýdenti:   Skatova Dıana.

Jetekshisi: Sháripqazy Nurtálip