Ál-Farabi atyndaǵy Qazaq Ulttyq Ýniversitetinde 2 jyl bilim ala otyryp, talai dúnieni uǵynyp jatqanyma dán rizamyn. Otandyq bilimniń «qara shańyraǵy» bolyp sanalatyn bul orda elimizge, saiasatymyzǵa, innovatsiialyq damý jolynda talai myqty ári qaitalanbas kadrlardy daiarlaidy. Tipti, ótkenge kóz júgirtetin bolsaq, Oljai Súleimenov, Ábish Kekilbai, Zeinolla Qabdolov, Ázilhan Nurshaiyqov, Dýlat Isabekov, Qadyr Myrza Áli, Tumanbai Moldaǵaliev, Myrzatai Joldasbekov, Muhtar Maǵaýin syńdy elimizdiń talai bedeldi qairatkerleri dál osy «uianyń» túlekteri, árqaisysy el tarihynda oiyp turyp, altyn árippen esimderin jazary sózsiz. Osyndai atalarym, el syilaǵan, halyq moiyndaǵan azamattar bilim alǵan ordada oqý men úshin, shyny kerek, úlken mártebe, baqyt! Sol sebepti bolar, bilmeimin, biraq keleshekte men de elime paidaly, úles qosarlyq azamatsha bolýdy shyn kóńilimmen qalaimyn. Memleket jastarǵa sapaly bilim berýde esh aianbaidy, barlyq derlik jaǵdai jasalǵan, endigi kezekte bizder, stýdent-jastar, barlyq artylyp otyrǵan úmit-senimdi aqtaý kerekpiz, solai emes pe?!
Baqýatty stýdent degen kimder? Ol - árine bizder: otansúigish, patriot, jalyndy da jigerli, Maǵjan Jumabaev aitqandai: «arystandai aibatty, jolbarystai qairatty jastar», sanaly, saliqaly, rýhty azamat pen azamatshalar. Elbasymyzdyń tiregi de biz – Qazaqstannyń jarqyn bolashaǵy
Qytaitaný kafedrasy
«Shyǵystaný» mamandyǵynyń
4-kýrs stýdenti: Skatova Diana.
Jetekshisi: Sháripqazy Nurtálip
