قازىرگى تاڭدا ەلىمىزدىڭ دامۋىنا بىردەن-بىر اسەر ەتۋشى فاكتور – ول ستۋدەنت  جاستاردىڭ ءبىلىم دەڭگەيى. قازاقستان تاۋەلسىزدىگىن العالى، وتاندىق جوو-دىڭ سانى دا ساپاسى دا كۇن وتە كەلە ارتىپ بارادى، ارينە بۇل قۋانتارلىق جايت. قازاقستان حالقىنا « نۇرلى جول – پۋت ۆ بۋدۋششەە» جولداۋىندا ەلباسىمىز ن.ءا.نازاربايەۆ جاستاردىڭ سانالى بولىپ، پاتريوتتى تۇلعا رەتىندە قالىپتاسىپ، ەلىنىڭ بولاشاعىنىڭ دامۋىنا ۇلەس قوساتىن جاستار تۋرالى ەرەكشە اتاپ وتكەن بولاتىن. ەگەر ءار ەلدىڭ، تاۋەلسىز ەلدىڭ، جاستارى سانالى، مادەنيەتتى، جۇرەكتەرى «ەلىم!»، «جەرىم!» دەپ سوعاتىن، ۇلتتىق داستۇرلەردى قولدايتىن ءارى قورعايتىن بولسا، ونداي ەل قاشان دا باقىتتى، ەڭسەلى بولماق. ءوز باسىم ءوز وتانىمنىڭ جاستارىنا، ياعني زامانداستارىما سەنەمىن، ەل بولاشاعىن جارقىن قىلۋ جولىندا ەش ايانىپ قالماسپىز دەپ  تە تولىق سەنىممەن ايتا الامىن.

ءال-فارابي اتىنداعى قازاق ۇلتتىق ۋنيۆەرسيتەتىندە 2 جىل ءبىلىم الا وتىرىپ، تالاي دۇنيەنى ۇعىنىپ جاتقانىما ءدان ريزامىن. وتاندىق ءبىلىمنىڭ «قارا شاڭىراعى» بولىپ سانالاتىن بۇل وردا ەلىمىزگە، ساياساتىمىزعا، يننوۆاسيالىق دامۋ جولىندا تالاي مىقتى ءارى قايتالانباس كادرلاردى دايارلايدى. ءتىپتى، وتكەنگە كوز جۇگىرتەتىن بولساق، ولجاي سۇلەيمەنوۆ، ءابىش كەكىلباي، زەينوللا قابدولوۆ، ءازىلحان نۇرشايىقوۆ، دۋلات يسابەكوۆ، قادىر مىرزا ءالى، تۇمانباي مولداعالييەۆ، مىرزاتاي جولداسبەكوۆ، مۇحتار ماعاۋين سىڭدى ەلىمىزدىڭ تالاي بەدەلدى قايراتكەرلەرى ءدال وسى «ۇيانىڭ» تۇلەكتەرى، ءارقايسىسى ەل تاريحىندا ويىپ تۇرىپ، التىن ارىپپەن ەسىمدەرىن جازارى ءسوزسىز. وسىنداي اتالارىم، ەل سىيلاعان، حالىق مويىنداعان ازاماتتار ءبىلىم العان وردادا وقۋ مەن ءۇشىن، شىنى كەرەك، ۇلكەن مارتەبە، باقىت! سول سەبەپتى بولار، بىلمەيمىن، ءبىراق كەلەشەكتە مەن دە ەلىمە پايدالى، ۇلەس قوسارلىق ازاماتشا بولۋدى شىن كوڭىلىممەن قالايمىن. مەملەكەت جاستارعا ساپالى ءبىلىم بەرۋدە ەش ايانبايدى، بارلىق دەرلىك جاعداي جاسالعان، ەندىگى كەزەكتە بىزدەر، ستۋدەنت-جاستار، بارلىق ارتىلىپ وتىرعان ۇمىت-سەنىمدى اقتاۋ كەرەكپىز، سولاي ەمەس پە؟!

باقۋاتتى ستۋدەنت دەگەن كىمدەر؟ ول - ارينە بىزدەر: وتانسۇيگىش، پاتريوت، جالىندى دا جىگەرلى، ماعجان جۇمابايەۆ ايتقانداي: «ارىستانداي ايباتتى، جولبارىستاي قايراتتى جاستار»، سانالى، ساليقالى، رۋحتى ازامات پەن ازاماتشالار. ەلباسىمىزدىڭ تىرەگى دە ءبىز – قازاقستاننىڭ جارقىن بولاشاعى

قىتايتانۋ كافەدراسى

«شىعىستانۋ» ماماندىعىنىڭ

4-كۋرس ستۋدەنتى:   سكاتوۆا ديانا.

جەتەكشىسى: ءشارىپقازى ءنۇرتالىپ