Onyń pikirinshe baǵdarlama aiasynda úi alýǵa beriletin qarajat tym mardymsyz. Almaty men Nur-Sultanda bul somaǵa tipti bir bólmeli páter de buiyrmaidy. Baǵdarlama kópbalaly otbasylardyń baspana máselesin sheshedi degenmen, shyntýaiynda shikiligi kóp. Jobada baspanaǵa muhtaj azamattardyń talap-tilegi eskerilmegen, olardyń suranysyna sai qarajat bólinbegen.
"Baǵdarlama aiasynda ári ketkende 15 million teńgeniń úĭin alýǵa bolady. Ózge keĭ aĭmaqtarda limit 10 million teńge. Aĭtaĭyn degenim, Almaty, Nur-Sultan qalalary boĭynsha bul baǵaǵa tek 1 bólmeli páter ǵana keledi. (Osydan 2 jyl buryn 2 bólmeli de tabýǵa bolatyn). Onyń ózinde tapsa...
Sonda deĭmin de, kópbalaly otbasyny qarasaq... Olarda kemi 4 balasy bar, áke-sheshesi... 1 bólmede 6 adam qalaĭ syiady? Qalaĭ turady?
Ózge kategoriialardy da qarasaq kemi 2-3 adam. Ana 35 jasqa deĭingi Almaty jastaryna dep, tipti jalǵyz ózi júrgen jandarǵa limit 18 millionǵa ósti emes pe?! Al "baqytty otbasy" baǵdarlamasy dep, 6 jan 1 bólmede tursa. Onyń ózinde 20 jyl ipoteka tólese. Olar ózderin baqytty otbasy sezine ala ma eken?! Baqytty otbasy boĭynsha, beriletin limitti ósirý kerek, nemese ataýyn aýystyryńyzdar!", – deidi Dáýlet Muqaev.
Atalǵan máselege Otbasy bank basshylarynyń qulaq asýyn suraǵan sarapshy bul baǵdarlama aiasynda beriletin baspana somasyn kóbeĭtý kerek! Sonda ǵana jobanyń aty, zatyna sai bolady.
Aita ketelik "Baqytty otbasy" baǵdarlamasy sáýirde aiynda bastalady. Baǵdarlamaǵa:
- Kópbalaly otbasylar;
- Tolyq emes otbasylar (ajyrasqandaryna 3 jyldan asý kerek);
- Múmkindigi shekteýli balasy barlar (bala 18 jastan aspaý kerek) qatysa alady.
