Qala turǵyndary sanitarlyq normalardy saqtap, indetpen kúresýge shyndap kiriskeni qýantady. Áleýmettanýshylardyń málimeti boiynsha kóptegen almatylyqtar KVI-dan saqtanýdyń neǵurlym «jeńil» túrin qoldanýda.
Iaǵni, saýalnamaǵa qatysqan árbir adam «únemi qolyn jýady nemese antiseptikterdi paidalanady eken» (95,9%). Az, dese de kópshiligi qoǵamdyq oryndarda maska kiedi (82,8%).
Bul rette meni, qalanyń ákimi retinde jastardyń beiqamdyǵy alańdatady. 25-ten 40 jasqa deiingi árbir besinshi jas qala turǵyny nemese respondentterdiń 25%-y juqtyrý qaýpin sezinbeidi nemese moiyndamaidy.
Sondyqtan jastarǵa jáne orta jastaǵy qala turǵyndaryna aitarym, jinalyńdar! Sanitarlyq ereje barlyǵyna mindetti. Bul beiqamdyq bizdi orǵa jyǵady. Jaqyndaryńyz ben qalanyń qaýipsizdigine qaýip tóndirmeńizder.
Memleket basshysy Q. Toqaevtyń aitýynsha, indet – soǵystyń bir túri. Bul qaýipti indet beiqamdyqty keshirmeidi. Biz birlessek qana bul dertti jeńe alamyz. Bizdiń basty qarýymyz – temirdei tártip. Indetke qarsy kúreste yntymaǵymyz úzilmesin.
