Belgili jýrnalist Marat Toqashbaev osyndai saýaldy ortaǵa tastaǵan eken. Oryndy. Oilantady. Biraq, Saǵyntaev qulaǵyna iler me eken muny? Úkimetti sol basqaryp otyr ǵoi.
"Qazaqstan Úkimetiniń nazaryna! ÚKIMET OTYRYSTARYNYŃ ORYS TILINDE ÓTÝI – ZAŃSYZ!" deidi Toqashbaev. Dál osy sózderdi badyraityp bas árippen jazypty.
Saǵyntaev, siz bilesiz be?
Qazaqstan Konstitýtsiiasynyń 7-babynyń 1-tarmaǵynda «Qazaqstan Respýblikasyndaǵy memlekettik til – qazaq tili» ekendigi tujyrymdalyp, 2-tarmaǵynda «Memlekettik uiymdarda jáne jergilikti ózin-ózi basqarý organdarynda orys tili resmi túrde qazaq tilimen teń qoldanylady» dep kórsetilgen.
Nazar aýdaryńyzdar, Úkimet memlekettik uiym emes, ol – memlekettik organ.
Memlekettik uiymdar degenimiz ministrlikter men vedomstvolardyń óz mindetterin júzege asyrý úshin qurǵan uiymdary. Aitalyq, aýyl sharýashylyǵy ministrligi – memlekettik organ bolsa, ol qurǵan veterinariialyq qyzmet –memlekettik uiym sanalady. Orys tiliniń resmi túrde qazaq tilimen teń qoldanylatyny týraly norma mine, osyndai tek ekinshi deńgeidegi memlekettik uiymdarǵa ǵana qatysty.
Úkimet mynany oqyshy!
Qazaqstan Konstitýtsiiasynyń 64-babynyń 1-tarmaǵynda «Úkimet Qazaqstan Respýblikasynyń atqarýshy biligin júzege asyrady, atqarýshy organdardyń júiesin basqarady jáne olardyń qyzmetine basshylyq jasaidy» dese, 2-tarmaǵynda «Úkimet alqaly organ bolyp tabylady» deidi. Iaǵni «atqarýshy organdardyń júiesin basqaratyndyǵyn» ári «alqaly» ekendigin eskersek Ata zańymyz Úkimettiń organ ekendigin dáleldep tur. Anaý-mynaý emes – memlekettik organ! Úkimettiń memlekettik uiym emes MEMLEKETTIK ORGAN bolýy sebepti onyń memlekettik tilde emes basqa tilde jumys isteýi,
Úkimet otyrystaryn orys tilinde júrgizýi Konstitýtsiiaǵa qaishy áreket! Úkimet otyrystary orys tilinde ótsin degen konstitýtsiialyq norma esh jerde joq.
Iaǵni bul zańsyzdyq! Mundai qatelikter jedel túzetilýge tiis!
Budan shyǵatyn qorytyndy
Buǵan qosymsha, mynandai jaǵdaidy eskerý qajet. Qazaqstan Respýblikasyndaǵy Til týraly zańnyń 4-babynda "Memlekettik til – memlekettiń búkil aýmaǵynda qoǵamdyq qatynastardyń barlyq salasynda qoldanylatyn memlekettik basqarý, zań shyǵarý, sot isin júrgizý jáne is qaǵazdaryn júrgizý tili» ekendigi baiandalǵan.
Sondai-aq Úkimettiń Qazaqstan Respýblikasynda memlekettik tildi barynsha damytýǵa, onyń halyqaralyq bedelin nyǵaitýǵa mindetti ekendigi aitylǵan. Onyń ústine QR Konstitýtsiialyq Keńesiniń 2007 jylǵy 23-aqpandaǵy № 3 qosymsha qaýlysynda: «Memlekettik uiymdarda jáne jergilikti ózin-ózi basqarý organdarynda orys tili resmi túrde qazaq tilimen teń qoldanylady degen konstitýtsiialyq norma orys tiline ekinshi memlekettik til mártebesi beriletinin bildirmeidi» degen tujyrymy taǵy bar. Budan shyǵatyn qorytyndy Memlekettik organ tek memlekettik tilde ǵana jumys isteýge tiis!
Baqytjan Ábdiruly, qatelik qashan túzetiledi?!
