«Baqylaý qyrandary» qozǵalysy referendým aiasyndaǵy baiqaýshylyq jumysyn aiaqtady. Mańyzdy saiasi sharaǵa qozǵalys jetekshisi óz baǵalaryn berdi, – dep habarlaidy Dalanews.kz.
«Baqylaý qyrandary» jetekshisi Nurbolat Nyshanbai óziniń Instagram paraqshasynda bul saiasi naqanǵa qandai daiyndyqpen kelip, qalai atqarǵandaryn qysqasha aityp jazba qaldyrdy.
– Osymen referendým da aiaqtaldy. Jalpy alǵanda oǵan qazirdiń ózinde oń baǵa berýge bolady.
Biz bir ai boiy jumys jasadyq. «Baqylaý qyrandary» qozǵalysyn quryp, baqylaýshylardy oqyttyq. Búgin baqylaýshylarymyz 10 aimaqta baqylaýshylyq atqardy.
Qazir qyz-jigitterdiń bári ýchaskelerden shyǵyp, úilerine qaitty. Túsinemin. Sharshady, shaldyqty. Alaida azamattyq boryshtaryna adal boldy. Barlyǵyńyzǵa kóp rahmet. Qoldaǵan jandarǵa, baqylaýshylarǵa. Bárine, bárine alǵys! Osy maqsatty abyroimen atqardyq dep senemin.
Bizdiń jumysqa qatysty erteń tolyq, naqty aqparat beretin bolamyz. Jariialap, qorytyndylaimyz, – dedi «Baqylaý qyrandary» qozǵalysynyń jetekshisi Nurbolat Nyshanbai.
