Artynsha, prezidenttiń jarlyǵymen Ábibýllaev elshi qyzmetinen bosatyldy.
Alaida, Gúlshara Ábdiqalyqova memqyzmetker etikasy naqty qalai buzylǵanyn sol kúii aitqan joq. Iaǵni, óziniń ultjandyǵymen, saýattylyǵymen kózge túsip úlgergen Altai Ábibýllaevtyń naqty ne úshin jumystan ketkeni halyqqa belgisiz.
Resmi ókilder ashyq málimdemese de, sol Syrtqy ister ministrliginiń mańaiynda júrgen "uzynqulaqtar" máseleniń mán-jaiyn "sybyrlap" úlgerdi.
Estýimizshe, Ábibýllaevtyń jaýapkershilikke tartylýyna oryssha sóilemeýi sebep bolǵan.
Tarqatyp aitsaq, Polshadaǵy kásipkerlermen kezdesken Qazaqstan elshisi baiandamasyn qazaq jáne poliak tilderinde jasaǵan eken. Alaida buǵan shamdanǵan orystildi orta baiandamany oryssha jasaýyn talap etken. Al Altai Ibragimuly bul talapty oryndaýdan bas tartypty.
"Árine, bul tek sybys qana. Máseleniń naqty mán-jaiyn Qazaqstannyń bilik ókilderi resmi aityp beredi degen senim bar", - dep jazady BAQ.
Tanymal saiasattanýshy Rasýl Jumaly da Ábibýllaevtyń memqyzmetkerdiń etiketin buzatyndai saýatsyz emes ekenine kúmandanbaidy.
"Altai Ábibollaev saýatty da memleketshil, qolynan is keletin elshilerdiń biri. Ne úshin mansaptan aiyrdy? Sebebi nege aitylmaidy? Sonysyna qaraǵanda arandatý áreketi siiaqty. Kezinde diplomat bolǵanda meniń de artymnan talai aryz jazylǵan bolatyn "agashkalarǵa" bas imegenim úshin. Soǵan uqsaidy. Qalai bolǵanda ókinishti jaǵdai kásibi mamandardyń qýdalanyp, pátýásiz yǵai-syǵaidyń saltanat quryp otyrǵany. Kerisinshe bolý kerek", - dep jazdy saiasattanýshy óziniń Facebook paraqshasynda.
