BAPI
Ermurat BAPI. «DAT» degen atynan Astanadaǵy dúrler dúr úrketin qandyaýyz basylymnyń batyry. Ermurat – «Tasjarǵannyń» jýrnalistik quqyǵy, redaktorlyq biligi sottalǵan Bas oqyrmany.
Jýrnalistikada «Sherhannyń shekpeninen shyqtyq» deitin tirkes bar. Biz «Sheraǵańnyń shekpeninen» shyqqan joqpyz. Biraq sol shekpendi jamylǵandardyń shapanyn kórdik. Eraǵań toqsanynshy jyldardyń basynda «Murtazanyń balasy» el ishinen taldap alǵan azýly tilshilerdiń biri boldy. Qazirgi «Egemen Qazaqstan» gazetin shyǵarǵan bir shoǵyr jastyń ishindegi shoqtyqtysy edi. Keiin bilik úshin qyzylkóz atanǵan oppozitsiialyq «DAT»-tyń tizgin-shylbyryn qolyna aldy.
Bul kezeń Er-Bapi úshin erlegen shaq. Eger «Bas oqyrmannan» «DAT»-tan búgingi «Obshestvennaia pozitsiiaǵa» deiingi on shaqty basylymdy shyǵarýdaǵy qiynshylyqty surasańyz, ańyzǵa bergisiz aqiqatty tizip beredi. Men Sherhannyń emes, Ermurattyń mektebinen óttim. Ol – jýrnalistika degen mashaqaty mol, paidasy az kásipti tańdaǵan jas úshin jaqsy ustaz. Bapidan úirengenimdi emes, kórgenimdi aitaiyn.
Erekeńniń boiyndaǵy eń taza qasiet – batyrlyǵy men týrashyldyǵy. Týra joldan taiǵandardy kórse, Zaisandaǵy Aman aǵasynyń balasy bolsa da urady. Tili – mirdiń oǵyndai. Soiyp salady. Bireýdiń shamyna tiip ketedi-aý, erteń sotqa beredi-aý deitin jaltaq minez týmysynda joq.
Redaktsiiaǵa qoqańdap talai myqty kelgen: «Gazetińdi jaýyp tastaimyn», «Men ana jaqtyń adamymyn» degenderdi atyna teris mingizip, shyǵaryp salatyn. Bul onyń batyrlyǵy ǵana emes, ainalasynda júrgen biz siiaqty jastarǵa kórsetken aǵalyq joly ekenin endi-endi túsinip júrmiz. Jiyn-toilarda bázbireýler siiaqty sheneýnik degenniń aldyna túsip qursha jorǵalaǵanyn kórgen joqpyz. Qaita ondailardy kórse, keýdesin kóterip, ózin mańǵaz ustaityn.
Biraq tabiǵaty qarapaiym. Jumystaǵy qyz-jigitterge ázildep, únemi kóńildi júredi. «DAT»-qa qazan-oshaǵyn artyp ákelip, gazet shyǵarady. Tilshilerge qiyn-qystaý kezderde aqsha taýyp bere almasa da, tamaq taýyp beretin.
Er-Bapi týraly kóp dúnie jazýǵa bolady. Bir maqalanyń etek-jeńine syimaityn azamat... JSDP atynan sailaýǵa túskeli jatqanyn estip, bir qýanyp, bir kúiindim. Qýanǵanym – bizdiń Parlamentke Bapi siiaqty batyrlar kerek! Kúiingenim – bizdiń Parlament te, biliktegi kez kelgen qyzmet te jaǵympazdardyń orny. Sondyqtan Ermurattyń «DAT»-qa syiǵan basy dańǵaradai Parlamenttiń ordasyna syimaityny anyq.
Shyndyǵy kerek, búgingi bilik Ermurat siiaqty er minezdi: aqiqat jolynda synbaityn, týra joldan taimaityn azamattardy jolatpaidy. Olarǵa júndeýge jýas, aidaǵanǵa kónetin, qoidan qońyr adam kerek. Al Bapi kógenge kónbeitin dalanyń naǵyz kókjaly.
Juqamyr ShÓKE
