Bankir Erjan Tátishevti óltirdi dep aiyptalǵan Murathan Toqmádi koloniiada ashyq esik kúnin jasap, kontsert uiymdastyrǵan, - dep habarlaidy Dalanews.kz.
Bul týraly Toqmádidiń qyzy Zere Shákerhan áleýmettik jelidegi paraqshasynda aitty. Onyń sózinshe, Murathan Toqmádi nemerelerin alǵash ret kórgen.
"Senbi, ákem uiymdastyrǵan ashyq esik kúni meniń balalarym atalaryn alǵash ret kórdi. Óte jyly kezdesý boldy. Qazaqstandaǵy eń iri ishyny zaýytynyń iesi meniń ákem 7 jyldan beri túrmede jazyqsyz otyrǵanyn bári biledi. Sebebi "bireý" onyń turmede otyrǵanyn qalady. Biraz áńgime aityldy,suhbat ta berildi. Bári bir nárseni túsindi - onyń kinási joq!" , - deidi Zere Shákerhan.
Ol túrmede bári Murathan Toqmádidi syilaitynyn aitady.
"Ol - avtoritet,kóshbasshy. Ol lagerde ashyq esik kúnderin úsh ret uiymdastyrǵan. Nurlan Abdýllin, Aijan Nurmaǵambetova, Parviz Nazarov sekildi ánshilerdi shaqyryp kontsert uiymdastyryp, dosy Talǵat Qojahmetov jáne basqa da kásipker dostary kelgen", - deidi Zere.
Aita keteiik, Murathan Toqmádi bankir Erjan Tátishevti óltirdi dep aiyptalyp, 10,5 jylǵa sottalǵan bolatyn. Tergeý málimetinshe, Tátishevti óltirýge Muhtar Ábliazov tapsyryp bergen. Al Ábliazov Tátishevtiń ólimine qatysy joǵyn, al Toqmádimen jeke tanys emes ekenin aitqan bolatyn.
