Bankır Jomart Ertaev amnıstıamen túrmeden bosap shyqty, dep habarlaıdy Dalanews.kz.
Qylmystyq-atqarý júıesi komıteti Jomart Ertaevtyń amnıstıaǵa ilinip, merziminen buryn bostandyqqa shyqqanyn habarlady. Ol probasıa qyzmetinde tirkeýge alyndy.
"Sot úkimine sáıkes, sottalǵan azamat qylmystyq-atqarý júıesi mekemesinde jazasyn ótep jatqan. Oǵan amnıstıa aktisi qoldanylyp, osyǵan baılanysty bosatyldy", – delingen resmı habarlamada.
Eske salsaq, 2020 jyly Ertaev RBK Bank-ten 144 mlrd teńge jymqyrǵany úshin 11 jylǵa sottalǵan edi. Keıin 2021 jyly apelásıalyq ınstansıa bul merzimdi 9 jylǵa qysqartqan. Budan bólek, ol Qazaq Banki men «Eýrazıalyq bankten» tıisinshe 46 mlrd jáne 24 mlrd teńge jymqyrǵany úshin de kináli dep tanylǵan. Alaıda bul qylmystar onyń negizgi jazasyna yqpal etpegen.
