Qarjy naryǵyn retteý jáne damytý agenttigi ekinshi deńgeıdegi bankter, QR-daǵy rezıdent emes bankterdiń fılıaldary úshin táýekelderdi basqarý jáne ishki baqylaý júıesin qalyptastyrý qaǵıdalaryna túzetýler engiziletin qaýly jobasyn ázirledi, dep habarlaıdy Dalanews.kz.
Atap aıtqanda, jańa túzetýler mynandaı talaptardy qamtıdy:
- jeke tulǵany nesıelik qabiletin baǵalaý kezinde táýekel deńgeıi joǵary qaryz alýshy retinde jikteý krıterııin bekitý;
- jeke tulǵalardyń bereshegin retteý boıynsha nesıelik sheshimder qabyldaýdyń ishki tártibin qalyptastyrýǵa qoıylatyn talaptardy belgileý;
- jeke tulǵardyń-tutynýshynyń quqyqtary men múddelerin qorǵaý jónindegi bólimshe qurý.
"Tutynýshylardyń múddelerin saqtaý maqsatynda banktiń bıznes-modeline tutynýshylardyń múddesi turǵysynda baqylaý fýnksıalaryn oryndaıtyn bólimsheniń bolýy boıynsha talap engiziledi", delingen qujatta.
Qujat 12 mamyrǵa deıin qoǵamdyq talqy úshin "Ashyq NQA" saıtyna ornalastyrylǵan.
Buǵan deıin saıtymyzda "Bank qosymshasyndaǵy ınternet-dúken qanshalyqty tabysty nemese taýar toly marketpleıstiń ar jaǵyndaǵy másele" atty maqala jarıalanǵan bolatyn.
