قارجى نارىعىن رەتتەۋ جانە دامىتۋ اگەنتتىگى ەكىنشى دەڭگەيدەگى بانكتەر، قر-داعى رەزيدەنت ەمەس بانكتەردىڭ فيليالدارى ءۇشىن تاۋەكەلدەردى باسقارۋ جانە ىشكى باقىلاۋ جۇيەسىن قالىپتاستىرۋ قاعيدالارىنا تۇزەتۋلەر ەنگىزىلەتىن قاۋلى جوباسىن ازىرلەدى، دەپ حابارلايدى Dalanews.kz.
اتاپ ايتقاندا، جاڭا تۇزەتۋلەر مىنانداي تالاپتاردى قامتيدى:
- جەكە تۇلعانى نەسيەلىك قابىلەتىن باعالاۋ كەزىندە تاۋەكەل دەڭگەيى جوعارى قارىز الۋشى رەتىندە جىكتەۋ كريتەرييىن بەكىتۋ؛
- جەكە تۇلعالاردىڭ بەرەشەگىن رەتتەۋ بويىنشا نەسيەلىك شەشىمدەر قابىلداۋدىڭ ىشكى ءتارتىبىن قالىپتاستىرۋعا قويىلاتىن تالاپتاردى بەلگىلەۋ؛
- جەكە تۇلعاردىڭ-تۇتىنۋشىنىڭ قۇقىقتارى مەن مۇددەلەرىن قورعاۋ جونىندەگى بولىمشە قۇرۋ.
"تۇتىنۋشىلاردىڭ مۇددەلەرىن ساقتاۋ ماقساتىندا بانكتىڭ بيزنەس-مودەلىنە تۇتىنۋشىلاردىڭ مۇددەسى تۇرعىسىندا باقىلاۋ فۋنكسيالارىن ورىندايتىن بولىمشەنىڭ بولۋى بويىنشا تالاپ ەنگىزىلەدى"، دەلىنگەن قۇجاتتا.
قۇجات 12 مامىرعا دەيىن قوعامدىق تالقى ءۇشىن "اشىق نقا" سايتىنا ورنالاستىرىلعان.
بۇعان دەيىن سايتىمىزدا "بانك قوسىمشاسىنداعى ينتەرنەت-دۇكەن قانشالىقتى تابىستى نەمەسە تاۋار تولى ماركەتپلەيستىڭ ار جاعىنداعى ماسەلە" اتتى ماقالا جاريالانعان بولاتىن.
