"Aq jol" partiiasynyń depýtattary bankterdi el azamattary men biznestiń banktik shottary, qaldyq aqshalary men olardyń qozǵalysy týraly derekterdi salyq organyna berýdi mindetteitin erejeni engizýge qarsy shyqty. Olar bul norma eldiń Konstitýtsiiasyna qaishy keledi jáne azamattardyń derekteriniń taralýyna qaýip tóndiredi dep sanaidy, dep habarlaidy Dalanews.kz.
Depýtat Serik Erýbaevtyń premer-ministr Oljas Bektenovke bank qupiialaryn saqtaý máselesi boiynsha joldaǵan depýtattyq saýalynda 2025 jyldyń 12 qyrkúiek aiynda "Ashyq" NQA portalynda bank shottarynyń bar-joǵy, nómirleri, osy shottaǵy aqsha qozǵalysy men qaldyǵy týraly málimetterdi berý týraly Qarjy ministrligi buiryǵynyń jobasy ornalastyrylǵanyn, alaida ol arada qujattardyń tolyq mátini ornalastyrmaǵanyna basa nazar aýdardy.
Osyǵan bailanysty Aqjol Demokratiialyq partiiasyna azamattar men kásipkerlerden memlekettik aralasýdyń mundai áreketine alańdaýshylyq bildirgen ótineshter kelip túsýde eken. Óitkeni, depýtattyń pikirinshe,bul bastama tek Konstitýtsiia men zańdarǵa qaishy kelip qana qoimai, sonymen qatar azamattar men kásipkerlerdiń quqyqtaryna tikelei qolsuǵýshylyq bolyp tabylady.
Erýbaevtyń aitýynsha, birinshiden, Qazaqstan Respýblikasy Konstitýtsiianyń 18-baby árkimniń jeke ómirine qol suqpaýdy jáne san qupiiasyn qamtamasyz etedi.
"Bul quqyqtar tek zańmen jáne erekshe jaǵdailarda ǵana shektelýi múmkin. Jalpy qoljetimdilikti zańmen tómen deńgeidegi aktimen zańdastyrý áreketi - Konstitýtsiiany aiqyn buzýdyń, quqyqtyq negilizmniń kórinisi. Ekinshiden, "Bank qyzmetteri týraly" zańnyń 50-babynda bankterdiń banktik aqparatty ashý jaǵdailary qatań reglamenttelgen, al qarjy ministriligi zańǵa táýeldi aktimen zańnyń ózin joqqa shyǵarýdy usynyp otyr. Osylaisha, qarjy ministriliginiń bul bastamasy zańmen bekitilgen bank qupiiasyna qaishy kelip otyr", - deidi ol.
Onyń aitýynsha, mundai áreket kelesidei keri saldarlarǵa ákelip soǵýy múmkin:
- Birinshi, bul - azamattardyń bank júiesine degen seniminiń álsireýi jáne biznestiń jappai kóleńkege ketýi.
- Ekinshi, derekterdi jymqyrý faktileri burynnan baryn eskersek, jeke aqparattyń taralýy men onyń teris maqsatqa paidalaný qaýpi odan saiyn arta túsedi.
- Úshinshi, quqyqtyq memleket qaǵidattarynyń buzylýy jáne azamattardy jappai baqylaýdy qalyptastyrý.
- Tórtinshiden, banktik jáne kommertsiialyq qupiia qorǵalmaǵan el investorlardy qyzyqtyrmaidy, ol investorlyq klimattyń nashalaýyna ákeledi.
Erýbaev joǵaryda baiandalarǵa sáikes, kelesi sharalar talap etiletinin aitady:
- Birinshi, azamattar men biznes shottaryna qosalqy aktiler arqyly memlekettik kirister organdarynyń qoljetimdilgine jol bermeý. Bul másele qazirgi ýaqytta parlamentte qaralyp jatqan zań jobasy aiasynda talqylansyn.
- Ekinshi, banktik aqparatta qoljetimdikti berý, eshqandai ózge jolmen emes, tek sot sheshimderi nemese quzyretti organdardyń dáleldi talaptary negizinde ǵana qatań túrde berilsin.
Buǵan deiin Májilistiń depýtattyq ádep jónindegi keńesi tártiptik jazaǵa tartqan depýtattardyń aty-jónin jariialamai, únsiz qalǵandy jón kórgenin jazǵanbyz.
