Ishki ister ministrligi derbes derekterdi qorǵaýǵa jáne qarjy qyzmeti salasyndaǵy qaýipsizdikti arttyrýǵa baǵyttalǵan Qazaqstan Respýblikasynyń qylmystyq zańnamasyndaǵy mańyzdy ózgerister týraly eskertedi, dep habarlaidy Dalanews.kz.
Máselen, Qylmystyq kodekstiń jańa 232-1 babynda óziniń banktik derektemelerin úshinshi tulǵalarǵa bergeni úshin, sondai-aq materialdyq syiaqy nemese múliktik sipattaǵy paida úshin nemese olardy alý maqsatynda úshinshi tulǵanyń múddesi úshin ia bolmasa paidany kózdep, tólemder nemese aqsha aýdarymdaryn júzege asyrǵany úshin qylmystyq jaýapkershilik engizildi.
"Alaiaqtar berilgen derekterdi qylmystyq kiristerdi qolma-qol aqshaǵa ainaldyrý nemese basqa azamattardy aldaý úshin paidalanady. Kóp jaǵdaida zardap shekkender ózderiniń qylmysqa qatysýshy ekenin túsinbeidi", - deidi Ishki ister ministrligi.
Esińizde bolsyn: jeke jáne banktik derekter jai ǵana aqparat emes, bul sizdiń múlkińizdiń, qaýipsizdigińizdiń jáne zań aldyndaǵy jaýapkershiligińizdiń kilti.
IIM, kóbine ózgeniń jeke bank kartasyn ózgeler qylmystyq maqsatqa paidalanatynyn taǵy bir márte eske sala otyryp, el azamattaryna mynalardy usynady:
- eshqashan banktik derekterińizdi úshinshi tulǵalarǵa bermeńiz;
- kartańyzdy nemese shotyńyzdy berý arqyly "ońai aqsha tabýǵa" kelispeńiz;
- kúdik týyndaǵan jaǵdaida bankke nemese quqyq qorǵaý organdaryna habarlasyńyz.
