Ishki ister ministrligi azamattardy jańa alaiaqtyq tásilinen saq bolýǵa shaqyrdy, dep habarlaidy Dalanews.kz.
Alaiaqtar azamattarǵa qońyraý shalyp, ózderin memlekettik organnyń qyzmetkeri retinde tanystyrady. Olar "Salyq deklaratsiiasyn ýaqytyly tapsyrmaǵansyz" dep sendiredi. Osylaisha, bank shottaryńyz buǵattalýy múmkin ekenin aityp qorqytady. Máseleni úsh kún ishinde "sheshý qajet" degen syltaýmen qysym kórsetedi.
"Jeke basyńyzdy rastaý kerek" dep azamattardan SMS arqyly kelgen kodty suraidy. Osy kodty alǵan soń, alaiaqtar bank shottaryna qol jetkizip, qarajatty zańsyz iemdenedi.
Politsiia mańyzdy eskertý jasady:
- Memlekettik organ qyzmetkerleri mundai mazmundaǵy qońyraýlar shalmaidy jáne eshqashan SMS kodtar men rastaý derekterin suramaidy;
- Eshqashan bógde adamdarǵa SMS kodtardy, bank kartasynyń nómiri men qupiia sózin, jeke málimetterdi bermeńiz;
- Eger kúdik týdyratyn qońyraý alsańyz, áńgimeni dereý toqtatyp, 102 nómiri arqyly politsiiaǵa habarlasyńyz.
