Qazaqstanda bankter 2025 jyldyń sáýirinen bastap halyqaralyq tólem kartalaryn basyp shyǵarýdy shektedi. Ásirese, shetel azamattaryna karta rásimdeý tártibi kúrdelendi. Budan keiin Qazaqstandaǵy reseilikter bank kartasyn qoldanýda birqatar qiyndyqtarǵa tap keletini boljanǵan. Rasynda, bankter qabyldaǵan shekteýler týristerge aitarlyqtai áser etti. Alaida, Qazaqstanda Mir kartasymen operatsiialar jasaityn bir bank bar bolyp shyqty. Sondai-aq reseilikterdiń Union Pay kartasy elimizde eki bankte jaramdy sanalady eken, dep habarlaidy Dalanews.kz.
"Mir kartasyn Qazaqstanda VTB qabyldaidy. Sondai-aq reseilikterdiń Union Pay kartasyn Aziia-Tynyq muhit banki jáne Rosselhozbankte qoldana berýge bolady" dep jazady FrankMedia reseilik týristiń sózin keltire.
El aýmaǵynda reseilik rýblmen tólem qabyldanbaidy. Qonaqúi, saýda ortalyǵy jáne týristik oryndarda tek teńge ǵana jaramdy. Alaida rýbldi teńgege aiyrbastaý túk qiyn emes. Degenmen, Qazaqstandaǵy baǵam Reseidegige qaraǵanda sál tiimsizdeý bolýy múmkin.
"Máselen, 100 teńgeni Reseidegi "Sber" 15,31 rýblge baǵalasa, Qazaqstandaǵy VTB banki 14,72 rýblge aiyrbastaidy. Al Altyn Bank usynǵan baǵam – 15,82 rýbl. Iri somany aiyrbastaǵanda osy aiyrmashylyq bilinedi", - deidi reseilik týrist.
Qazaqstanda qandai kartalar jaramdy?
Qazirgi ýaqytta "Mir" kartasy tek VTB bankiniń qazaqstandyq bólimshesiniń bankomattary men terminaldarynda qoldanylady.
"Olardy tek iri qalalardyń halyq kóp jinalatyn ornynan tabýǵa bolady. Aqsha sheshý tegin, biraq basqa bankter sanktsiia qaýpinen bul kartany qabyldamaidy. "Mir" kartasymen keibir qonaqúiler men dúkenderde tólem jasaýǵa bolady. Qonaqúilerdiń shamamen úshten biri bul kartany qabyldasa, dúkender kólemi odan da az. Sondyqtan qolda árdaiym qolma-qol teńgeniń bolǵany durys. Alaida "Iandeks Taksi" siiaqty keibir onlain servister "Mir" kartasyn áli de qabyldaidy", dep basylym Qazaqstandaǵy reseilik týrister pikirin alǵa tartady.
Union Pay kartalary
2025 jyly Qazaqstanda reseilik eki bank – ATB (Aziatsko-Tihookeanskii Bank) jáne Rosselhozbanktiń (RSHB) Union Pay kartalary qoldanylady.
"ATB kartalary barlyq jerde esh shekteýsiz jumys isteidi. Al RSHB kartalary tek Huawei Pay júiesi arqyly smartfon nemese smart-saǵat arqyly tólem jasaýǵa jaramdy. Biraq, Eýroodaqtyń sanktsiiasynyń jańa legi (18-paketi) qabyldanǵan soń, bul kartalardyń da múmkindigi shektelýi múmkin. Sheteldik Union Pay kartalary barlyq jerde jaramdy. Biraq keide Kaspi Bank terminaldary men Kaspi Pay júiesinde tehnikalyq qiyndyqtar týyndap qalyp jatady".
Visa jáne Mastercard
Resei bankteri shyǵarǵan Visa men Mastercard kartalary Qazaqstan aýmaǵynda jaramsyz. Al sheteldik Visa men Mastercard esh shekteýsiz jumys isteidi. Qazaqstan bankterinde sheteldikterge osy kartalardy ashýǵa múmkindik, biraq ol bir jylǵa ǵana jaramdy.
"Zolotaia korona" júiesi
Bul júieni reseilikter qazaqstandyq kartaǵa aqsha aýdarýda paidalanady. Komissiia mólsheri – aýdarym somasynyń 1%-y, biraq 0,95 eýrodan aspaidy.
Qazaqstanda kartalardan aqsha qalai sheshýge bolady?
"Mir" kartasynan aqsha sheshý úshin VTB bankomattary men kassalary kerek. Reseilik kartalardan aqsha tegin sheshiledi. Táýliktik limit – 5 mln teńge. Sheteldik jáne Union Pay kartalarynan barlyq qazaqstandyq bankomat pen bank kassalarynda aqsha sheshýge bolady. Komissiia kólemi – shamamen 0,5-1% aralyǵynda. Bankterdiń limiti ártúrli: TsentrKredit Bankte táýligine 1,3 mln teńge, Freedom Bank aiyna 500 myń teńgege deiin ǵana aqsha sheshýge múmkindik bar. Qazaqstanǵa qolma-qol aqshalai 10 myń dollar (nemese soǵan balama soma) alyp kirýge ruqsat. Eger soma budan kóp bolsa, kedende deklaratsiia toltyrýǵa týra keledi. Aqsha aiyrbastaý oryndarynda baǵam jalpy tiimdi, biraq barlyq jerde rýbl qabyldai bermeidi. Ásirese, Astanadan tys jerde qiyndyqtar týyndaýy múmkin. Keibir aqsha aiyrbas oryndary iri somany aiyrbastaǵanda shekteý qoiyp, qosymsha qujat suratýy múmkin. Mundai táýekeldi boldyrmaý úshin rýbldi teńgege Reseide aiyrbastap alǵan jón. Ásirese, iri is-shara nemese kontsertter aldynda reseilik týristerdiń teńgeni jappai satyp alýy baiqalady, mundaida teńge Reseidiń ózinde taýsylyp qalýy múmkin", - deidi reseilik týrister.
