19 aqpanda saǵat shamamen 08:10-da Balqash qalasyndaǵy Qaramende bi kóshesi, 10 mekenjaiynda ornalasqan turǵyn úidiń buryn apatty dep tanylyp, buzýǵa jatqyzylǵan, qazirgi ýaqytta paidalanylmaityn (turǵyn emes) kireberisiniń bir bóligi qulady, dep habarlaidy Dalanews.kz.
Atalǵan kirebersite eshkim turmaǵan. Zardap shekkender joq.
2025 jyly kórsetilgen kireberis Qazaqstan Respýblikasynyń zańnamasyna sáikes júrgizilgen tehnikalyq qorytyndy men qurylys saraptamasynyń negizinde apatty dep tanylǵan. 5-kireberistiń turǵyndary aldyn ala qonys aýdarylyp, páterleri turýǵa jaramsyz dep tanylǵandyqtan, zańda belgilengen tártippen turǵyn úige muqtaj azamattar retinde esepke qoiylǵan.
Qulaý sátinde qaza bolǵandar men zardap shekkender tirkelgen joq. Ǵimarat qorshaýǵa alynyp, kirýge shekteý qoiyldy, injenerlik kommýnikatsiialar (elektr, jylý, sý júieleri) belgilengen tártippen ajyratyldy.
Qazirgi ýaqytta qurylys jáne ónerkásiptik qaýipsizdik talaptaryn saqtai otyryp, 5-kireberisti demontajdaý jumystary júrgizilýde.
Demontaj jumystary aiaqtalǵannan keiin qalǵan 4 kireberiste qosymsha tehnikalyq tekserý jáne qurylys saraptamasy júrgiziledi.
Aldaǵy ýaqytta qalǵan kireberister konstrýktsiialaryn kúsheitý boiynsha jumystardy júrgizýge arnalǵan jobalyq-smetalyq qujattama belgilengen tártippen ázirlenetin bolady.
