Balqash mańyndaǵy Saiaq ken ornynda qaiǵyly oqiǵa oryn aldy. Derekterge súiensek, úsh kenshi gazdan ýlanyp qalǵan, dep habarlaidy Dalanews.kz.
Oqiǵa 5 qazanda boldy. Ýlanǵan jumysshylardyń ekeýi qaza tapty, al úshinshisi aýrýhanaǵa túsken.
Qaza bolǵandar – 34 jastaǵy Dýlat Igembaev pen 23 jastaǵy Madiiar Turysbaev eken.
"Qazaqmys" korporatsiiasy jaǵdaiǵa túsinikteme berdi. Aitýlarynsha, barlyq jumysshy jedel túrde evakýatsiialanǵan.
"Zardap shekkender jaqyn jerdegi meditsinalyq mekemelerge jetkizildi. Ókinishke qarai, eki jumysshy qaitys boldy.
Oqiǵanyń mán-jaiy men sebepteri anyqtalýda, qaiǵyly jaǵdaidy tekserý úshin arnaiy komissiia quryldy.
"Qazaqmys" basshylyǵy men ujymy qaza tapqandardyń otbasylary men jaqyndaryna qaiǵyryp kóńil aitady. Marqumdardyń otbasylaryna qajetti barlyq kómek kórsetiledi", - "Qazaqmys" korporatsiiasy.
Qaraǵandy oblysynyń eńbek inspektsiiasy jónindegi departamenti faktini rastap, muny toptyq jazataiym oqiǵaǵa jatqyzady.
"Osy toptyq jazataiym oqiǵa boiynsha komissiia qurylyp, arnaiy tekserý júrgizilip jatyr", – dep habarlady Qaraǵandy oblysynyń eńbek inspektsiiasy jónindegi basqarmasy Patriot Qazaqstan arnasyna.
Saiaq ken orny Qaraǵandy oblysynyń Balqash qalasynda ornalasqan. Onda mys sýlfidti ken óndiriledi.
