بالقاش ماڭىنداعى ساياق كەن ورنىندا قايعىلى وقيعا ورىن الدى. دەرەكتەرگە سٷيەنسەك, ٷش كەنشٸ گازدان ۋلانىپ قالعان, دەپ حابارلايدى Dalanews.kz.
وقيعا 5 قازاندا بولدى. ۋلانعان جۇمىسشىلاردىڭ ەكەۋٸ قازا تاپتى, ال ٷشٸنشٸسٸ اۋرۋحاناعا تٷسكەن.
قازا بولعاندار – 34 جاستاعى دۋلات يگەمباەۆ پەن 23 جاستاعى مادييار تۇرىسباەۆ ەكەن.
"قازاقمىس" كورپوراتسيياسى جاعدايعا تٷسٸنٸكتەمە بەردٸ. ايتۋلارىنشا, بارلىق جۇمىسشى جەدەل تٷردە ەۆاكۋاتسييالانعان.
"زارداپ شەككەندەر جاقىن جەردەگٸ مەديتسينالىق مەكەمەلەرگە جەتكٸزٸلدٸ. ٶكٸنٸشكە قاراي, ەكٸ جۇمىسشى قايتىس بولدى.
وقيعانىڭ مەن-جايى مەن سەبەپتەرٸ انىقتالۋدا, قايعىلى جاعدايدى تەكسەرۋ ٷشٸن ارنايى كوميسسييا قۇرىلدى.
"قازاقمىس" باسشىلىعى مەن ۇجىمى قازا تاپقانداردىڭ وتباسىلارى مەن جاقىندارىنا قايعىرىپ كٶڭٸل ايتادى. مارقۇمداردىڭ وتباسىلارىنا قاجەتتٸ بارلىق كٶمەك كٶرسەتٸلەدٸ", - "قازاقمىس" كورپوراتسيياسى.
قاراعاندى وبلىسىنىڭ ەڭبەك ينسپەكتسيياسى جٶنٸندەگٸ دەپارتامەنتٸ فاكتٸنٸ راستاپ, مۇنى توپتىق جازاتايىم وقيعاعا جاتقىزادى.
"وسى توپتىق جازاتايىم وقيعا بويىنشا كوميسسييا قۇرىلىپ, ارنايى تەكسەرۋ جٷرگٸزٸلٸپ جاتىر", – دەپ حابارلادى قاراعاندى وبلىسىنىڭ ەڭبەك ينسپەكتسيياسى جٶنٸندەگٸ باسقارماسى پاتريوت قازاقستان ارناسىنا.
ساياق كەن ورنى قاراعاندى وبلىسىنىڭ بالقاش قالاسىندا ورنالاسقان. وندا مىس سۋلفيدتٸ كەن ٶندٸرٸلەدٸ.
