QR Bilim jáne ǵylym mınıstriniń buıryǵy boıynsha, 2020 jyldyń 7 tamyzynda bastaýysh, negizgi orta, jalpy orta bilim beretin oqý baǵdarlamalaryn iske asyratyn bilim berý uıymdarynda oqýǵa qabyldaýdyń tıptik erejelerine ózgerister engizildi, dep habarlaıdy Dalanews.kz. 

Sonyme, bastaýyshqa bilim berýdi júzege asyratyn jalpy bilim berý uıymdarynyń birinshi synypqa qabyldanatyn balanyń ata-analary nemese basqa zańdy ókilderinen qujattar bıylǵy jyldyń 1 sáýirinen 1 tamyzyna deıin qabyldanady.

Sonymen birge, tıisti memlekettik organdar shekteýli sharalardy júzege asyrǵan kezde, tótenshe jaǵdaıdyń engizilýi, belgili bir aýmaqta áleýmettik, tabıǵı jáne tehnogendik sıpattaǵy tótenshe jaǵdaılar bolǵan jaǵdaıda, bilim berý uıymdarynyń birinshi synybyna qujattar bıylǵy jyldyń 20 tamyzynan keshiktirilmeı qabyldanady.

Joǵaryda aıtylǵandaı, qujattar paketi portal arqyly bir jumys kúni ishinde qabyldanady.

Kúndizgi jáne keshki oqýǵa bastaýysh, negizgi orta, jalpy orta bilim berý uıymdaryna tirkelý 20 tamyzdan keshiktirilmeı júzege asyrylady.

Buıryq resmı jarıalanǵan alǵashqy kúninen bastap kúshine enedi.