Balana basqa qalanyń áýejaıynda qaldyryp ketken Air Astana áýe kompanıasy oraldyq turǵynǵa ótemaqysyn tóledi, dep habarlaıdy Dalanews.kz.

Kompanıa Jazıra Mýsınanyń qyzyn Astana áýejaıynda jalǵyz qaldyryp ketkeni úshin ótemaqy retinde 5 mln teńge tóledi. Buǵan deıin kompanıa sot arqyly ótemaqy kólemin azaıtýǵa tyrysqan edi. 

Eske salaıyq, 12 jastaǵy oqýshyny áýejaıda jalǵyz qaldyrǵan Air Astana sotta taǵy jeńilgen bolatyn.

13 qańtarda Air Astana kompanıasynyń ótinishin qaraý aıaqtaldy. Tasymaldaýshy «ushaqta oryn jetpegen» qyzdyń anasyna beriletin moraldyq ótemaqyny bes mıllıon teńgeden 1,5 mıllıon teńgege deıin azaıtýdy surady.

Advokat Danılhan Shaǵataevtyń sózinshe, apelásıalyq sot sheshimdi ózgerissiz qaldyrǵan. Bul týraly advokat áleýmettik jelidegi paraqshasynda jazdy. Sot úkimi boıynsha, kompanıa Zereniń anasyna materıaldyq ótemaqy retinde bes mıllıon teńge tóleýi kerek. 

Bul Air Astana-nyń enshiles kompanıasy FlyArystan-ǵa qatysty oqıǵa. Kompanıa qyzmetkerleri kámeletke tolmaǵan jolaýshyny Astana áýejaıynda jalǵyz qaldyryp ketken bolatyn. 

Zere jáne Záýre esimdi egizder byltyr 20 shildede AQSH-tan Oral qalasyna Astana arqyly ushyp jetpek bolǵan. Reıske tirkeý kezinde FlyArystan qyzmetkerleri olardyń tek bireýin tirkep, Zereni jalǵyz qaldyryp ketken. 

Qyzmetkerler bul máseleni sheshe almaı, bala Astana áýejaıynda jalǵyz qalyp qoıdy. Osylaısha Zere tek kelesi kúni ushyp ketken.