Solardyń birinde bolǵan Túrkistan oblysynyń ákimi Darhan Satybaldy №7 S.Erýbaev mektep-internatynyń jai-kúiimen tanysty.
Kúrdeli jóndeýdi qajet etetin 500 oryndyq mektep 1976 jyly salynǵan. Bilim uiasynyń 420 oryndyq jataqhanasy bar. 2000 jyly aǵymdaǵy jóndeý júrgizilgen. Sodan beri jóndeý kórmegen. Mekteptiń ishki sylaǵy túsip, injenerlik júieleri tozǵan.
Óńirdegi bilim ordalaryn kúrdeli jóndeýden ótkizý ýaqyt kúttirmeitin is. Ol úshin qomaqty qarajat kerek. Óńir sala basshylarynyń jaýaptaryn tyńdap, olarǵa problemalyq mektepter týraly barlyq aqparatty usynýdy tapsyrdy.
– Balalarymyzǵa qolaily jaǵdai jasaý úshin bar kúshimizdi salýymyz kerek. Óńirdegi tozyǵy jetken bilim oshaqtaryn tolyq tekserip, qysqa merzimde usynys berýdi tapsyramyn, – dedi Darhan Satybaldy.
Kúrdeli jóndeýdi qajet etetin áleýmettik nysandar arasynda balabaqshalar da bar. Oblys ákimi «Aigólek» balabaqshasynyń jai-kúiimen tanysty.
Eski ǵimarat sońǵy 15 jyldan beri jóndeý kórmegen. Baqsha ǵimaraty kúrdeli jóndeýdi qajet etedi. Oblys ákimi jaýapty sala basshylaryna tiisti tapsyrmalar berdi. Balabaqsha jóndeýden ótýi tiis.
Túrkistan oblysynda bilim berý salasynda 2 381 uiym qyzmet kórsetedi. 1 381 mektepke deiingi uiymdarda 150 myń bala tárbielenýde.
