سولاردىڭ بٸرٸندە بولعان تٷركٸستان وبلىسىنىڭ ەكٸمٸ دارحان ساتىبالدى №7 س.ەرۋباەۆ مەكتەپ-ينتەرناتىنىڭ جاي-كٷيٸمەن تانىستى.
كٷردەلٸ جٶندەۋدٸ قاجەت ەتەتٸن 500 ورىندىق مەكتەپ 1976 جىلى سالىنعان. بٸلٸم ۇياسىنىڭ 420 ورىندىق جاتاقحاناسى بار. 2000 جىلى اعىمداعى جٶندەۋ جٷرگٸزٸلگەن. سودان بەرٸ جٶندەۋ كٶرمەگەن. مەكتەپتٸڭ ٸشكٸ سىلاعى تٷسٸپ, ينجەنەرلٸك جٷيەلەرٸ توزعان.
ٶڭٸردەگٸ بٸلٸم وردالارىن كٷردەلٸ جٶندەۋدەن ٶتكٸزۋ ۋاقىت كٷتتٸرمەيتٸن ٸس. ول ٷشٸن قوماقتى قاراجات كەرەك. ٶڭٸر سالا باسشىلارىنىڭ جاۋاپتارىن تىڭداپ, ولارعا پروبلەمالىق مەكتەپتەر تۋرالى بارلىق اقپاراتتى ۇسىنۋدى تاپسىردى.
– بالالارىمىزعا قولايلى جاعداي جاساۋ ٷشٸن بار كٷشٸمٸزدٸ سالۋىمىز كەرەك. ٶڭٸردەگٸ توزىعى جەتكەن بٸلٸم وشاقتارىن تولىق تەكسەرٸپ, قىسقا مەرزٸمدە ۇسىنىس بەرۋدٸ تاپسىرامىن, – دەدٸ دارحان ساتىبالدى.
كٷردەلٸ جٶندەۋدٸ قاجەت ەتەتٸن ەلەۋمەتتٸك نىساندار اراسىندا بالاباقشالار دا بار. وبلىس ەكٸمٸ «ايگٶلەك» بالاباقشاسىنىڭ جاي-كٷيٸمەن تانىستى.
ەسكٸ عيمارات سوڭعى 15 جىلدان بەرٸ جٶندەۋ كٶرمەگەن. باقشا عيماراتى كٷردەلٸ جٶندەۋدٸ قاجەت ەتەدٸ. وبلىس ەكٸمٸ جاۋاپتى سالا باسشىلارىنا تيٸستٸ تاپسىرمالار بەردٸ. بالاباقشا جٶندەۋدەن ٶتۋٸ تيٸس.
تٷركٸستان وبلىسىندا بٸلٸم بەرۋ سالاسىندا 2 381 ۇيىم قىزمەت كٶرسەتەدٸ. 1 381 مەكتەپكە دەيٸنگٸ ۇيىمداردا 150 مىڭ بالا تەربيەلەنۋدە.
