Qaraǵandy oblysynda Takorp qarjy piramidasynyń qurylymdyq bólimshesiniń basshylyǵyna qatysty zańsyz is- áreket boiynsha tergeý júrgizildi dep habarlaidy Dalanews.kz.AFM- ge silteme jasap.
Vedomstvonyń málimetinshe, eki kúdikti azamattardyń qarajatyn investitsiialyq joba retinde tartý shemasyn uiymdastyrǵan.
«Olar 100 paiyz tabysqa kepildik bere otyryp, 30-dan 50 myń dollarǵa deiin investitsiia salýdy usynǵan. Piramida alty bonýs deńgeiinen (VIP-1-VIP-6) turatyn matritsalyq júie negizinde qurylǵan internet- platforma arqyly jumys istegen. Tólemder USDT kriptovaliýtasynda júrgizilip, salym kólemine jáne referaldyq siltemeler arqyly tartylǵan qatysýshylar sanyna bailanysty eseptelip otyrǵan»,- delingen habarlamada.
Sonymen qatar zańdy qyzmet beinesin qalyptastyrý jáne oń imidj jasaý maqsatynda uiymdastyrýshylar balalar úilerinde qaiyrymdylyq sharalaryn ótkizgen.
«Nátijesinde Takorp piramidasyna 117 qatysýshy tartylǵan. Sottyń sanktsiiasymen quny 32 myń dollar bolatyn kriptovaliýtaǵa tyiym salyndy»,- delingen aqparatta.
Sonymen qatar kúdiktilerge bultartpaý sharasy retinde elden shyqpaý jáne tiisti minez- qulyq týraly qolhat túrindegi shekteý qoldanylǵan. Qylmystyq is sotqa joldandy.
