Pavlodar qalasynyń turǵyny sómkesinde bolǵan paýerbanktiń jarylýy saldarynan aýyr kúiik aldy, dep habarlaidy dalanews.kz.
Oqiǵa 14 maýsym kúni bolǵan. Diliara esimdi qyzdyń aitýynsha, bastapqyda sómkesinen qoiý tútin shyǵyp jatqanyn baiqamaǵan. Alaida kóp uzamai sómke ishinen qatty jarylys daýysy estilgen.
Jarylystan keiin jalyn iyǵynda ilýli turǵan sómkeni áp-sátte sharpyǵan. Órttiń tez taralyp jatqanyn kórgen qyz sómkeni jerge laqtyryp, qaýipsiz jerge qashqan. Oǵan jaqyn mańdaǵy fitnes-ortalyq qyzmetkerleri kómekke kelip, órtti sóndirip, jedel járdem shaqyrǵan.
Saldarynan qyzdyń shashy, qasy men kirpigi kúiip qalǵan. Eń aýyr kúiikter paýerbank turǵan jaq bóliginde baiqalǵan. Sonymen qatar qoltyq tusy, eki qolynyń saýsaqtary, oń jaq bilegi jáne ish tusy da zardap shekken.
«Alǵashynda jaǵdaidyń qanshalyqty aýyr ekenin túsinbedim, tipti dáriger shaqyrýdyń qajeti joq dep oiladym. Biraq ainadan kúiip qalǵan shashymdy kórgende qatty kúizeliske tústim», – deidi Diliara.
Oqiǵadan keiin pavlodarlyq turǵyn azamattardy portativti qýattaǵysh qurylǵylardy tańdaýda jáne paidalanýda asa muqiiat bolýǵa shaqyrdy.
