پاۆلودار قالاسىنىڭ تۇرعىنى سٶمكەسٸندە بولعان پاۋەربانكتٸڭ جارىلۋى سالدارىنان اۋىر كٷيٸك الدى, دەپ حابارلايدى dalanews.kz.
وقيعا 14 ماۋسىم كٷنٸ بولعان. ديليارا ەسٸمدٸ قىزدىڭ ايتۋىنشا, باستاپقىدا سٶمكەسٸنەن قويۋ تٷتٸن شىعىپ جاتقانىن بايقاماعان. الايدا كٶپ ۇزاماي سٶمكە ٸشٸنەن قاتتى جارىلىس داۋىسى ەستٸلگەن.
جارىلىستان كەيٸن جالىن يىعىندا ٸلۋلٸ تۇرعان سٶمكەنٸ ەپ-سەتتە شارپىعان. ٶرتتٸڭ تەز تارالىپ جاتقانىن كٶرگەن قىز سٶمكەنٸ جەرگە لاقتىرىپ, قاۋٸپسٸز جەرگە قاشقان. وعان جاقىن ماڭداعى فيتنەس-ورتالىق قىزمەتكەرلەرٸ كٶمەككە كەلٸپ, ٶرتتٸ سٶندٸرٸپ, جەدەل جەردەم شاقىرعان.
سالدارىنان قىزدىڭ شاشى, قاسى مەن كٸرپٸگٸ كٷيٸپ قالعان. ەڭ اۋىر كٷيٸكتەر پاۋەربانك تۇرعان جاق بٶلٸگٸندە بايقالعان. سونىمەن قاتار قولتىق تۇسى, ەكٸ قولىنىڭ ساۋساقتارى, وڭ جاق بٸلەگٸ جەنە ٸش تۇسى دا زارداپ شەككەن.
«العاشىندا جاعدايدىڭ قانشالىقتى اۋىر ەكەنٸن تٷسٸنبەدٸم, تٸپتٸ دەرٸگەر شاقىرۋدىڭ قاجەتٸ جوق دەپ ويلادىم. بٸراق اينادان كٷيٸپ قالعان شاشىمدى كٶرگەندە قاتتى كٷيزەلٸسكە تٷستٸم», – دەيدٸ ديليارا.
وقيعادان كەيٸن پاۆلودارلىق تۇرعىن ازاماتتاردى پورتاتيۆتٸ قۋاتتاعىش قۇرىلعىلاردى تاڭداۋدا جەنە پايدالانۋدا اسا مۇقييات بولۋعا شاقىردى.
