Ulytaý oblysynda jetim balalar 5 jyl boiy quldyqta bolǵan. Olardyń fermada qara jumysqa jegilgeni belgili boldy. Bul týraly QR Bala quqyqtary jónindegi ýákil Dinara Zákieva Instagram-daǵy paraqshasynda jazdy, dep habarlaidy Dalanews.kz.
Sheneýinik Ulytaý oblysy ákimi Berik Ábdiǵaliuly, prokýratýra, IIM-men istiń mán-jaiyn anyqtaý úshin qajetti sharalardy júrgizgen.
"Aqpannyń basynda oblystyq prokýratýra men qamqorshylyqtyń mobildi toptarynyń tekserisi nátijesinde bir otbasynan shyqqan úsh bala – 1 qyz jáne 2 ul bary anyqtaldy. Patronattyq tárbiege alǵan otbasy olardy balalar úiinen 2018 jyly alǵan. Bul ýaqytta balalar 14, 12 jáne 8 jasta bolǵan. Balalardyń úlkenin qalaǵa 20 km qashyqtyqtaǵy óz fermasynda erkinen tys ustap, mal baǵýǵa májbúrlegen. Fermada eki tabyn jylqy men 18 siyr bar", - dep jazdy Zákieva.
Onyń habarlaýynsha, fermaǵa arnaiy barǵan komissiia músheleri balalardyń jaǵdaiyn kórip, jaǵalaryn ustaǵan.
"Olardyń deneleri kógergen ári tyrtyqqa toly boldy. Sonymen qatar júdeý, sharshańqy, ash, kir-qojalaq, kiimderiniń alba-julbasy shyqqan. Balalardy qamqorlyǵyna alǵan ata-ana olardy osylai azaptap kelgen. Eń soraqysy qamqorshy 5 jyl boiy balalarǵa járdemaqy alyp kelgen. Úlken qyz kolledjdi támamdaǵan. Alaida is júzinde sabaqqa múlde barmaǵan. Ortanshy ul kolledjde oqidy. Quqyq qorǵaý organy bilim mekemesin tekserse, ata-anasy tarapynan únemi balalardyń aýyrǵany týraly anyqtamalar usynyp otyrǵan eken. Qamqorshy qyzdy jumys istemeseń, ne shaǵymdansań, baýyrlaryńdy kórmeisiń dep qorqytqan", - deidi Bala quqyqtary jónindegi ýákil.
Belgili bolǵandai, bul qamqorshy jaqynda patronatqa alýǵa bolatyn basqa da balalar jaily surastyrǵan eken. Zákievanyń aitýynsha, bul másele boiynsha qylmystyq is tirkelip, saraptama júrgizilip jatyr eken.
"Qazir balalar birge ári qaýipsiz jerde. Tiisti psihologiialyq kómek kórsetilip jatyr. Oblys ákimi balalarǵa qolaily jaǵdai jasap, kómek kórsetýdi, balalardyń qaida turatynyn, qaida oqitynyn jeke baqylaýyna aldy. Basynan bastap balalardyń qasynda bolǵan óńirlik ýákil Gúlmira Alpysbaiqyzyna jáne máslihat depýtaty Erkebulan Bodyqovqa alǵys aitamyn", - dep sózin qorytyndylady Dinara Zákieva.
Sońǵy málimetterge súiensek,quldyqta bolǵan balalardyń ógei anasy ustalyp, ýaqytsha ustaý izoliatoryna qamalǵan. 3 balany asyrap alyp, qara jumysqa jekkenderdiń ústinen qylmystyq is qozǵaldy.
