Aqparatta bul ata-analardy balalardy KVI-ge qarsy ekpe salý ǵa májbúrleý úshin jasalyp jatqany aitylǵan.
Bul aqparatty sanitarlyq-epidemiologiialyq baqylaý komiteti joqqa shyǵardy.
“Bul feik aqparat. Qazirgi ýaqytta mektepterde KVI taratpaý boiynsha barlyq sharalar qabyldandy, 379 540 pedagog pen mektep qyzmetkerleri vaktsinatsiialandy. Bul barlyq orta bilim berý qyzmetkerleriniń 96%-y. Oqýshylar arasynda KVI taralýyna jol bermeý boiynsha sharalar algoritmi ázirlendi”, – dep habarlady sanitarlyq-epidemiologiialyq baqylaý komitetiniń resmi ókili Erjan Baitanaev.
Sonymen qatar, Baitanaev jalǵan aqparat taratýshylar QR QK 274-baby boiynsha qylmystyq jaýapqa tartylatynyn eske saldy. Bul bap boiynsha 3 myń AEK-ke deiingi aiyppul túrindegi jaýapkershilik, 800 saǵatqa deiingi merzimge qoǵamdyq jumystarǵa tartý, 3 jylǵa deiingi merzimge bas bostandyǵyn shekteý nemese sol merzimge bas bostandyǵynan aiyrý qarastyrylǵan.
Oqý oryndarynda balalardy gazdarmen ýlaityny týraly habarlamalar oidan shyǵarylǵan. QR sanitarlyq-epidemiologiialyq baqylaý komiteti balalar men eresekterdi COVID-19-dan qorǵaý boiynsha barlyq qajetti sharalardy qabyldaidy.
