اقپاراتتا بۇل اتا-انالاردى بالالاردى كۆي-گە قارسى ەكپە سالۋ عا ماجبۇرلەۋ ءۇشىن جاسالىپ جاتقانى ايتىلعان.
بۇل اقپاراتتى سانيتارلىق-ەپيدەميولوگيالىق باقىلاۋ كوميتەتى جوققا شىعاردى.
“بۇل فەيك اقپارات. قازىرگى ۋاقىتتا مەكتەپتەردە كۆي تاراتپاۋ بويىنشا بارلىق شارالار قابىلداندى، 379 540 پەداگوگ پەن مەكتەپ قىزمەتكەرلەرى ۆاكسيناسيالاندى. بۇل بارلىق ورتا ءبىلىم بەرۋ قىزمەتكەرلەرىنىڭ 96%-ى. وقۋشىلار اراسىندا كۆي تارالۋىنا جول بەرمەۋ بويىنشا شارالار الگوريتمى ازىرلەندى”، – دەپ حابارلادى سانيتارلىق-ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتانايەۆ.
سونىمەن قاتار، بايتانايەۆ جالعان اقپارات تاراتۋشىلار ق ر قك 274-بابى بويىنشا قىلمىستىق جاۋاپقا تارتىلاتىنىن ەسكە سالدى. بۇل باپ بويىنشا 3 مىڭ اەك-كە دەيىنگى ايىپپۇل تۇرىندەگى جاۋاپكەرشىلىك، 800 ساعاتقا دەيىنگى مەرزىمگە قوعامدىق جۇمىستارعا تارتۋ، 3 جىلعا دەيىنگى مەرزىمگە باس بوستاندىعىن شەكتەۋ نەمەسە سول مەرزىمگە باس بوستاندىعىنان ايىرۋ قاراستىرىلعان.
وقۋ ورىندارىندا بالالاردى گازدارمەن ۋلايتىنى تۋرالى حابارلامالار ويدان شىعارىلعان. ق ر سانيتارلىق-ەپيدەميولوگيالىق باقىلاۋ كوميتەتى بالالار مەن ەرەسەكتەردى COVID-19-دان قورعاۋ بويىنشا بارلىق قاجەتتى شارالاردى قابىلدايدى.
