Aqparattyq-kompiýterlik tehnologiia mektepke deiingi balalardy oqytý protsesiniń ainymas bóligine ainalyp otyr. Bul ádis jańa dáýir balalarymen qatar qazirgi zamannyń tárbieshi pedagogine de oń yqpal etedi. Kompiýter balalarǵa matematikany oiyn túrimen jetkizýde taptyrmas jol. Oqý is-áreketin interaktivti taqtadaǵy oiyn arqyly uiymdastyrý balalarǵa ǵana emes, sonymen qatar pedagogke de yńǵaily. Kompiýterlik tehnologiia - balalardy qarapaiym matematikalyq uǵymdarmen tanystyrýǵa jáne olardy kezekti bilim satysyna ázirleýge kómektesetin jol. Balalardyń bilim júiesin jaqsy meńgerýin qamtamasyz etý úshin biz osy tehnologiiany paidalalanýdy bastadyq.
Atap aitsaq, mektepke deiingi jastaǵy balalarǵa arnalǵan oiyndardyń arasynda «Kórshińdi tap», «Úlken-kishi» dep atalatyn oiyndar erekshe suranysqa ie. Balanyń matematikalyq bilimin arttyrýda «Sandardy tap» oiynynyń alatyn orny erekshe. Munda 3 jastan asqan balalarǵa 10-ǵa deiingi sandardy berilgen sýretpen sáikestendirý júktelgen. «Neshe?» dep atalatyn qarapaiym matematikalyq oiynnyń maqsaty balalardy zattardy durys sanai bilýge úiretý.
Degenmen de, aqparat keńistigindegi jańalyqtardy oqý is-áreketine engizý zamanaýi tehnologiialar turǵysynan tiimdi bolsa da, el erteńine ainalar tulǵa tárbiesinde pedagog pen bala arasyndaǵy jandy qarym-qatynas, jandy bailanystyń ornyn almastyrmaidy jáne almastyrýǵa tiisti emes.
J. Sadyqova
№6 «Aldanysh» balabaqshasynyń tárbieshisi,
Qaraǵandy qalasy
